Morg­un­blaðið hefur verið dug­legt að fjalla um sjón­ar­horn og skoð­anir hags­muna­að­ila í sjáv­ar­út­vegi á stuðn­ingi Íslands við við­skipta­þving­anir Evr­ópu­sam­bands­ins og Banda­ríkj­anna í garð Rússa.

22. des­em­ber birt­ist for­síðu­frétt á Morg­un­blað­inu um skoð­un Kol­beins Árna­son­ar, fram­kvæmda­stjóra Sam­taka fyr­ir­tækja í sjáv­ar­út­vegi, á ó­breyttri afstöðu Íslands til við­skipta­þving­an­anna. Í frétt­inni kom fram að afstaðan kosti íslenskan ­sjáv­ar­út­veg átta til tólf millj­arða króna á árs­grund­velli. Evr­ópu­sam­band­ið hafði sam­þykkt nokkrum dögum áður að fram­lengja við­skipta­þving­anir gagn­vart Rússum um sex mán­uði og Gunnar Bragi Sveins­son utan­rík­is­ráð­herra hafði sag­t op­in­ber­lega að afstaða Íslands gagn­vart stuðn­ingi við aðgerð­irnar yrði óbreytt. For­síð­una má sjá hér að neð­an.

Í dag, 4. jan­ú­ar, er síðan for­síðu­frétt um skoðun Jens ­Garð­ars Helga­son­ar, stjórn­ar­for­mann Sam­taka fyr­ir­tækja í sjáv­ar­út­vegi, á þátt­töku Íslands í við­skipta­þving­unum gagn­vart Rúss­um. Þar segir Jens Garðar að við­skipta­bann Rússa, sem lagt var á íslenskar vörur vegna stuðn­ings okkar við við­skipta­þving­an­irn­ar, kosti þjóð­ina tólf til þrettán millj­arða króna á árin­u 2016. 

Því ræddi Morg­un­blaðið við bæði fram­kvæmda­stjóra og ­stjórn­ar­for­mann hags­muna­sam­taka útgerð­ar­manna um skoðun þeirra á póli­tískum að­gerðum rík­is­stjórnar Íslands á for­síðu blaðs­ins á innan við tveimur vik­um. Og í milli­tíð­inni hækk­aði áætl­aður árlegur kostn­aður Íslands vegna stuðn­ings við við­skipta­þving­anir gegn Rússum úr átta til tólf millj­örðum króna í tólf til­ ­þrettán millj­arða króna.

Þessi fram­setn­ing á fréttum um hags­muni útgerð­ar­fé­laga þarf ­reyndar ekki að koma neitt sér­stak­lega á óvart. Alls eiga félög tengd ­sjáv­ar­út­vegi 79,37 pró­sent hlut í Árvakri, útgáfu­fé­lagi Morg­un­blaðs­ins. Flest­ir ­for­svars­menn félag­anna hittast víðar en á hlut­hafa­fundum Árvak­urs. Þeir sitja nær allir í stjórn Sam­taka fyr­ir­tækja í sjáv­ar­út­vegi, sem áður hét Lands­sam­band íslenskra ­út­gerð­ar­manna (LÍÚ).

Þegar hlutur félags Sig­ur­björns Magn­ús­son­ar, sem situr í stjórn Ísfé­lags Vest­manna­eyja, og Hall­dórs Krist­jáns­son­ar, tengda­sonar fyrrum ­eig­enda Stál­skipa, er talin með fer þetta hlut­fall upp í 95,84 pró­sent.