Sam­fylk­ingin er í sárum, og hefur frá því hún var stofnuð árið 2000 lík­lega aldrei verið nær því að lið­ast í sund­ur. Hennar helsta vanda­mál í augna­blik­inu eru ekki fylgis­töl­ur, sem eru þó þær lægstu sem sést hafa frá stofnun flokks­ins (9,2 pró­sent Gallup). Heldur er flokkur með sundraða for­ystu­sveit, óljósa mál­efna­stöðu og virð­ist með engu móti átta sig á erindi sín­u. 

Árni Páll Árna­son, for­maður flokks­ins, hefur lengi verið lask­aður í sínu hlut­verki vegna þess hve veikt umboð hann hefur haft, einkum eftir síð­asta lands­fund þar sem hann stóð uppi sem sig­ur­veg­ari í for­manns­kosn­ingu, með eins atkvæðis mun, eftir bar­áttu við Sig­ríði Ingi­björgu Inga­dótt­ur. 



Í bréfi sem Árni Páll sendi á flokks­menn í gær, fjallar hann um mis­tök sem Sam­fylk­ing­in hefur gert á und­an­förnum árum, sem hann telur að séu meðal ástæðna fyrir slæmri stöðu flokks­ins. Meðal ann­ars gagn­rýnir hann hvernig stofnað var til ESB-að­ild­ar, á grund­velli bak­tjalda­makks sem aldrei hélt, og einnig að flokk­ur­inn hafi misst tal­sam­band við verka­lýðs­hreyf­ing­una og atvinnu­líf­ið. Svo fátt eitt sé nefn­t. 



Grein­ingin hjá Árna Páli stuðar eflaust marga flokks­menn, einkum og sér í lagi þá sem voru nærri for­ystu­sveit­inni þegar Jóhanna Sig­urð­ar­dóttir var for­maður Sam­fylk­ing­ar­innar og for­sæt­is­ráð­herra. Mörg þess­ara mála sem Árni Páll nefnir voru á odd­inum þegar Jóhanna var í for­ystu flokks­ins í rík­is­stjórn. 



Það er álita­mál hvort flokk­ur­inn er með nægi­lega sterka inn­viði í augna­blik­inu til þess að geta spyrnt sér frá botni. Til þess er erindi flokks­ins algjör­lega óljóst, jafn­vel þó marg­vís­leg stór sam­fé­lags­leg mál séu á odd­in­um, þar sem hefð­bundin félags­hyggju­við­horf rúm­ast vel til lausnar á hinu póli­tíska sviði. Má þar nefna end­ur­skipu­lagn­ingu fjár­mála­kerf­is­ins sem íslenska ríkið er nú komið með aftur í fangið eftir mis­heppnað til­raun til útrásar fjár­mála­þjón­ustu með Seðla­banka Íslands sem þrauta­vara­lán­veit­anda með pen­inga­prent­un­ar­vald í krón­um. Eftir stendur ein­angrað hag­kerfi í alþjóða­væddum heim­i. 



Bréf Árna Páls, og til­raunin til að hreinsa and­rúms­loft­ið, getur verið upp­hafið að enda­lokum flokks­ins, eða byrj­un­ar­punktur nýs ferða­lags. Næstu mán­uðir munu leiða í ljós hvort verð­ur.