Sigur Íslands á Englandi, í 16 liða úrslitum á EM í Frakk­landi, er eitt mesta íþrótta­afrek Íslands­sög­unn­ar, og án efa stærsta stundin í fót­bolta­sög­unni. Ísland er komið í 8 liða úrslit á stór­móti, sem hefur til þessa verið fjar­lægur draumur hjá karla­landsl­að­in­u. 

Stór­kost­legur 2-1 sigur á Englandi gleym­ist aldrei. 

Leik­menn, stuðn­ings­menn, þjálf­arateymið og allt starfs­fliðið í kringum liði, á hrós skilið fyrir frá­bært starf. Það var gaman að heyra við­brögðin frá Lars Lag­er­back og Heimi Hall­gríms­syni, lands­liðs­þjálf­ur­um, eftir leik­inn. Þeir voru að vonum ánægðir og glað­ir, en minntu á að ef íslenska liðið væri gott, og ætti í raun enn eftir að sína sitt besta. 

Lars sagði að þessi árangur væri ísbrjótur fyrir sigra fram­tíð­ar­inn­ar, því nú vissu allir sem störfum í kringum lands­lið­ið, og leik­menn­irnir líka, hvað þyrfti til að ná árangri eins og þeim sem nú væri búinn að raun­ger­ast. 

Þetta eru orð að sönnu. Ísland hefur aldrei tapað leik á stór­móti, og getur unnið öll lið. Þannig er staðan nún­a. 

Sann­ar­lega magn­aður árangur hjá íslenska lið­inu, sem sendir út holl og góð skila­boð umað allt sé hægt ef vilji, skipu­lag og hæfi­leikar fara sam­an.