Menn­ing er rímorð sem þeir nota fyrir sunnan til að ríma við orðið þrenn­ing sagði Steinn Steinn­arr fóstru sína hafa sagt sér aðspurð um merk­ingu orðs­ins. Tæpri öld síðar lifum við á Íslandi í breyttum heimi þar sem umsvif og mik­il­vægi skap­andi greina í hag­kerf­inu eru sívax­andi og um 20.000 manns hafa atvinnu sína af þeim. Þegar Katrín Jak­obs­dótt­ir, fom­aður Vinstri grænna, var Mennta- og menn­ing­ar­mála­ráð­herra lét hún gera úttekt á umsvifum skap­andi greina á Íslandi. Þetta var árið 2009 og í ljós kom að skap­andi grein­ar, kvik­mynda­gerð, mynd­list, hönn­un, tón­list og sviðs­listir tæp­lega 200 millj­örðum á ári. Nú, sjö árum síðar má gera ráð fyrir þónokk­urri aukn­ingu á þessum umsvif­um.

Þess vegna eiga skap­andi greinar að vera hluti af íslenskri atvinnu­stefnu. Það er löngu orðið tíma­bært að hið opin­bera við­ur­kenni veru­leik­ann þegar kemur að umsvifum og mik­il­vægi lista og menn­ing­ar­lífs í land­inu og hlúi að þessum sívax­andi, kvika og mik­il­væga mála­flokki.

Vinstri græn líta á listir og menn­ingu sem slíkan kjarna í sam­fé­lagi okkar að ekki má láta hjá líða að ræða þennan mála­flokk þegar sam­fé­lagið allt er til umfjöll­un­ar. Menn­ing­ar­arfur þjóð­ar­innar og list­sköpun sam­tím­ans eru ekki aðeins mik­il­væg fyrir sjálfs­mynd þjóð­ar­inn­ar, hag­kerfið og and­legt líf okkar heldur líka aðdrátt­ar­afl fyrir stærstu útflutn­ings­grein lands­ins, ferða­þjón­ust­una. Sífellt fleiri ferða­menn koma til lands­ins til að njóta list­við­burða enda er hróður Íslands að miklu leyti bor­inn uppi af lista­mönn­um.

Und­ir­staðan í þróun skap­andi greina á Íslandi er öfl­ugur Lista­há­skóli. Vinstri græn vilja styðja mynd­ar­lega við starf­semi Lista­há­skóla Íslands og tryggja þar við­un­andi fram­lög á nem­anda og mögu­leika á raun­veru­legri upp­bygg­ingu og fram­þróun skól­ans, bæði kennslu og rann­sókna. Sterkur Lista­há­skóli er mik­il­væg­asti þáttur í þróun og upp­bygg­ingu á sviði lista í land­inu. Okkur ber að virða fram­lag lista­manna til sam­fé­lags­ins og  styðja við starf­semi þeirra og þróun á öllum sviðum með því að hlúa að Lista­há­skól­an­um.

Listir og menn­ing að skipa mik­il­vægan sess í öfl­ugu sam­fé­lagi og eiga mikið erindi á öllum sviðum þess ekki síst þegar sífellt meiri áherslu þarf að leggja á nýsköpun og hug­vit í þróun atvinnu­lífs­ins. Vinstri græn vilja halda þessu til haga alla daga og allt árið um kring en ekki síst nú í aðdrag­anda kosn­inga með skýrum kosn­inga­á­herslum í menn­ing­ar­mál­um.

Höf­undur er þing­maður Vinstri grænna.