Stjórn­andi: Verið vel­komin í þennan umræðu­þátt með leið­togum stjórn­mála­flokk­anna. Hér á eftir fáum við svo leið­toga grín­flokk­anna. Og talandi um grín, byrjum á að skoða tölur úr nýrri skoð­ana­könn­un.

[Skoð­ana­könnun birt: Sjálf­stæð­is­flokkur 90%. Píratar 30%. Vinstri Grænir 20%. Hin­ir: 7.61%]

Stjórn­andi: Já, svona eru töl­urn­ar, en við skulum ekk­ert tala um þær, ég veit ekki einu sinni af hverju við vorum að sýna þær. Fyrsta spurn­ing til þín, Birgitta: Stjórn­ar­and­stöðu­flokk­arnir vilja mynda rík­is­stjórn sam­an. Hvar er gagn­sæ­ið?

Birgitta: Já, við hitt­umst á kaffi­húsi en netteng­ingin var léleg svo ég gat ekki keyrt saman stefnu­skrár flokk­anna í stjórn­ar­sátt­málafor­rit­inu hans Smára McCarthy. En það er gríð­ar­legt gagn­sæi í þessu sam­starfi. Sjáið bara hárið á Óttarri Proppé.

Stjórn­andi: Ótt­arr, ein­hver komment?

Ótt­arr: Ég er bara góður strákur sem er vinur allra. 

Stjórn­andi: Já, þú ert reyndar algjört krútt. En Oddný Harð­ar, þú ert eini kjós­andi Sam­fylk­ing­ar­innar á öllu land­inu. Áttu erindi í rík­is­stjórn?

Odd­ný: Ég ætla bara að standa hérna og segja ekki neitt.

Stjórn­andi: Ég skil. Bjarni, nú ert þú búinn að drulla svo mikið yfir RÚV að ég ætla bara að spyrja þig út í þín helstu stefnu­mál. 

Bjarni: It's about being inter­e­sted in a nice look­ing policy, want­ing to have an intelli­g­ent and fun con­versation and good ... very good vot­ing.

Birgitta: [Heldur uppi miða sem á stend­ur: Pana­ma].

Stjórn­andi: Haha, Birgitta, þú ert flipp­kött­ur. Og talandi um flipp: Sig­urður Ingi, mynd­irðu fara í helg­ar­ferð til Evr­ópu?

Sig­urður Ingi: Þyrfti ég að fara á lista­safn?

Stjórn­andi: Já, minnst tvö.

Sig­urður Ingi: Nei, ekki séns. Svo eru bruna­varnir í Evr­ópu mjög slæmar, Evr­ópa brenn­ur. Og mjólkin er þunn. 

Stjórn­andi: En getur Sig­mundur Davíð orðið ráð­herra?

Sig­urður Ingi: Ég ætla bara að bulla eitt­hvað því ég þori ekki að svara þess­ari spurn­ingu, mað­ur­inn er auð­vitað nött­ari.

Stjórn­andi: Takk fyrir þetta, Sig­urð­ur. Yfir til þín, Bene­dikt. Þið í Við­reisn seg­ist ekki ætla að mynda rík­is­stjórn með Bjarna og Sigga.

Bene­dikt: Það var nú bara kosn­inga­lof­orð. Þetta eru fárán­lega nettir strákar sem væri gaman að vinna með.

Stjórn­andi: Katrín, nú ert þú ein vin­sælasta kona lands­ins. Viltu halda þjóð­ar­at­kvæða­greiðslu um það sam­hliða kosn­ingu um aðild­ar­um­sókn að Evr­ópu­sam­band­inu?

Katrín: Það höfum við í Vinstri grænum alltaf lagt áherslu á. Það voru hins vegar Bjarni og Sjálfst...

Stjórn­andi: Nei, við skulum ekki tala illa um Bjarna í kvöld. En Katrín, Píratar vilja stytta kjör­tíma­bilið til að hafa tíma til að spila tölvu­leiki, helst klára öll mál í einni Mega-viku. Er það raun­hæft? 

Bjarni: Ég baka mínar pít­sur sjálf­ur. Ég fer bara í krakka­heim­inn og hef pít­s­una eins og bólu­grafin and­litin á …

Stjórn­andi: Takk fyrir þetta, Bjarni. En nú er tím­inn að verða búinn svo við getum ekki talað um Panama­skjölin eða hlýnun jarðar eða neitt sem skiptir máli en eyðum síð­ustu mín­út­unum í kaf­ka­ískt innslag frá Jóhönnu Vig­dísi.

Jóhanna Vig­dís: Með­al­fram­bjóð­andi heitir Frið­rik, er kona, býr á annarri hæð til vinstri og fékk sér ham­borg­ara­til­boð í kvöld­mat. Hann reykir Camel, finnst gaman í sjó­sundi og er alltaf á leið­inni að lesa stefnu­skrá eigin flokks á net­inu en hefur bara verið of bissí á hús­fund­um.