Í dag, á Alþjóða­degi gegn kyn­bundnu ofbeldi, segjum við: nóg kom­ið. Enn er algengt að konur og stúlk­ur, innan og utan Evr­ópu­sam­bands­ins, verði fyrir ofbeldi. Um allan heim sæta konur og stúlkur enn barð­smíðum heima við, kyn­ferð­is­legri og efna­hags­legri mis­notk­un, eru mis­not­aðar á götum úti og á vinnu­stöð­um, á net­inu og við íþrótta­iðkun, þeim nauðg­að, þær lim­lestar eða neyddar í hjóna­band. Ein af hverjum þremur konum í Evr­ópu­sam­band­inu hefur upp­lifað ein­hverja gerð kyn­bund­ins ofbeld­is. Við getum ekki hunsað hinar geig­væn­legu afleið­ingar þessa á fjöl­skyld­ur, sam­fé­lög og hag­kerf­ið.

Innan Evr­ópu­sam­bands­ins þarf að gera meira til að upp­ræta allar gerðir ofbeldis gegn kon­um. Yfir fjórði hver íbúi Evr­ópu­sam­bands­ins telur kyn­líf án sam­þykkis geta verið rétt­læt­an­legt. Yfir fimmti hver Evr­ópu­búi telur að iðu­lega skáldi konur eða ýki lýs­ingar á mis­notkun og nauðg­un­um. Þolendur ofbeldis til­kynna glæp­inn oft ekki og stundum eru vitni treg til að grípa inn í. Í sam­ein­ingu verðum við að takast á við þetta, og þær staðalí­myndir sem grafa undan röddum kvenna, og sýna að ofbeldi gegnum konum er óásætt­an­legt og verður ekki lið­ið.

Frammi fyrir átökum og neyð­ar­á­standi eru konur og stúlkur í sér­stak­lega við­kvæmri stöðu, þegar ofbeldi, kúg­un, mansal, mis­notkun og annað kyn­bundið ofbeldi eykst. Afleið­ing þess er að millj­ónir kvenna og stúlkna neyð­ast til að yfir­gefa heim­ili sín. Á far­alds­fæti, eða í leit að vernd í flótta­manna­búð­um, mæta þessar konur og stúlkur enn auk­inni hættu á ofbeldi frá öðru far­and­fólki, smygl­urum og jafn­vel yfir­völdum þriðju landa. Nán­ast öll fórn­ar­lömb mansals til kyn­ferð­is­legrar mis­beit­ingar innan ESB eru konur og stúlkur sem koma þangað frá þriðja landi eftir hættu­ferð.

Við vinnum þrot­laust að því að breyta þessu. Mann­úð­ar­verk­efni okkar í tengslum við kyn­bundið ofbeldi munu ná til allt að 3,4 millj­óna kvenna, stúlkna, drengja og karl­manna víða um heim. Innan fram­kvæmda­á­ætl­unar ESB í jafn­rétt­is­málum á alþjóða­vett­vangi eflum við konur og stúlkur sem sæta mis­rétti víða um heim, sem haldið er frá skóla­göngu, frá vinnu­mark­aði og frá stjórn­mál­um, um leið og þær sæta órétt­látum lögum og reglum um erfða­mál, rík­is­borg­ara­rétt og eign­ar­hald á landi. Árið 2017 munum við veita þolendum ofbeldis á afskekktum og við­kvæmum svæðum sér­stakan stuðn­ing.

Þá eflir ESB um þessar mundir aðgerðir til að tryggja þeim konum og stúlkum sem koma til Evr­ópu­sam­bands­ins á flótta undan átök­um, ofsókn­um, óstöð­ug­leika og fátækt, aðgang að heil­brigð­is­þjón­ustu, lög­fræði­að­stoð, við­eig­andi áfalla­hjálp, sál­fræði­að­stoð og félags­legri umönn­un, hafi þær verið þolendur mis­réttis og ofbeld­is.

Í dag ýtir fram­kvæmda­stjórn Evr­ópu­sam­bands­ins úr vör röð aðgerða til að berj­ast gegn öllum gerðum ofbeldis gegn konum og stúlk­um. Við höfum lagt 10 millj­ónir evra til stuðn­ings gras­rót­ar­verk­efna gegn kyn­bundnu ofbeldi og til stuðn­ings þolendum þess innan Evr­ópu­sam­bands­ins. Mark­mið okkar er að veita upp­lýs­ingar og efla vit­und um ofbeldi gegn kon­um, meðal alls almenn­ings og þess fag­fólks sem getur átt þátt í að breyta ástand­inu, meðal ann­ars lög­reglu­fólks, kenn­ara, lækna og dóm­ara.

Við verð­um, í eitt skipti fyrir öll, að segja nei við þessu ský­lausa broti á grund­vall­ar­rétt­indum okk­ar. Því grípum við í dag til aðgerða. Við tökum höndum saman með aðild­ar­ríkj­unum til að segja skilið við ofbeldi gegn kon­um. Allar konur og stúlkur eiga að geta lifað lausar við ótta og ofbeldi, innan Evr­ópu­sam­bands­ins og um allan heim.

Höf­undar eru Frans Timmermans, fyrsti vara­for­seti fram­kvæmda­stjórn­ar­inn­ar, Feder­ica Mog­her­ini, æðsti tals­maður Evr­ópu­sam­bands­ins í utan­rík­is- og örygg­is­mál­um, Johannes Hahn, fram­kvæmda­stjóri nágranna­stefnu Evr­ópu­sam­bands­ins og aðild­ar­við­ræðna, Neven Mim­ica, fram­kvæmda­stjóri alþjóða­sam­starfs og þró­un­ar, Dimitris Avramopou­los, fram­kvæmda­stjóri inn­flytj­enda- og inn­an­rík­is­mála, Chri­stos Styli­anides, fram­kvæmda­stjóri mann­úð­ar­að­stoðar og krísu­stjórn­un­ar, Věra Jourová, fram­kvæmda­stjóri rétt­læt­is-, jafn­rétt­is- og neyt­enda­mála, Tibor Navr­acsics, fram­kvæmda­stjóri mennta- og menn­ing­ar­mála, auk íþrótta, og Julian King, fram­kvæmda­stjóri örygg­is­mála, und­ir­rita þessa yfir­lýs­ingu.