Kæru þing­menn.

Morð­mál ungu kon­unnar sem við höfum verið að heyra af í þessum mán­uði er  af sorg­leg­asta og hræði­leg­asta tagi sem hefur gerst í nútíma sögu þessa lands. Við getum ekki einu sinni byrjað að ímynda okkur sárs­auk­ann sem fjöl­skylda fórn­ar­lambs­ins hefur þolað og styrk sem aðstand­endur hafa þurft á að halda.

Þetta morð­mál hefur reynt á hjörtu allra og ollið mik­illi sorg og van­líðan og ­til­finn­inga­legra- auk ann­arra sál­fræði­legra áhrifa á sam­fé­lag­ið, sem er for­dæma­laust.

Af þeirri ástæðu, sem auð­mjúkur borg­ari þessa lands, vil ég að þið, hátt­virtu þing­menn, ­leggið fram frum­varp um ný lög sem leyfa rík­inu að lög­lega vernda og styðja fjöl­skyldur fórn­ar­lamba morða í ótak­mark­aðan tíma.

Ekki aðeins er það rétt að gera svo, en líka held ég að það sé sam­fé­lags­leg ábyrgð okkar og sið­ferði­lega mik­il­vægt að aðstoða fjöl­skyldur með öfl­ugri stuðn­ings­með­ferð og til að heiðra lát­inn ást­vin, þannig að aðstand­endur geti ver­ið  vissir um að sama hversu mörg ár líða að þeir munu aldrei vera einir og ást­vinar þeirra gleym­ist aldrei. Minn­ing hinna látnu mun verða varð­veitt í hjörtum þjóð­ar­inn­ar. Þessi unga kona hefur þjappað fólki saman hér og þjóðin hefur styrkst og sam­ein­ast. Ég tel að allir skatt­greið­endur yrðu heiðraðir verði fé varið á þann mann­úð­lega og virð­ing­ar­verða hátt fremur en með auknum greiðum til póli­tískra hags­muna­hópa.

Í öðru lagi, vil ég að þið leggið fram annað frum­varp fyrir miklu skil­virk­ari og strang­ari lög um refsi­vörslu­kerfið sem komi til fram­kvæmda í þessu landi. Að mínu mati eru núver­andi lög um refsi­vörslu­kerfið gam­al­dags og ein­fald­lega ekki í sam­ræmi við eðli glæpa 21. ald­ar.

Þeir ger­endur sem tóku líf ann­arrar mann­eskju í burtu með köldu blóði eru enn á lífi, að vísu í haldi lög­reglu - fá mat 3 sinnum á dag og pass­legur tími til að sofa er einnig leyfi­leg­ur, meðan fjöl­skylda fórn­ar­lambs­ins verður að lifa með þeim ólýs­an­lega sárs­auka og sál­fræði­legu sárum sem fylgja slíkum óhæfu­verk­um.

Þeir glæpa­menn, sem hrotta­fengið eyðilögðu sak­laust líf, eru vernd­aðir af lögum og sömu mann­rétt­indum sem þeir hafa að engu haft og brotið af köldu blóði. Jafn­vel ef þeir eru dæmdir og fá hámarks refs­ing­u,verða  þeir frjálsir eftir ein­hver 10  ár á að giska meðan frelsi hins myrta fórn­ar­lambs er ekki lengur til. Að mínu mati ættum við að berj­ast kröft­ug­lega gegn glæp­a­starf­semi, orsökum glæpa og gegn glæpa­mönnum sem brjóta lög. 

Ég hlakka til fram­sæk­inna aðgerða í þessum mál­um.

Höf­undur er með MA-gráðu í alþjóða­sam­skiptum og stjórn­mála­fræði.