Brook­lyn er stærsta hverfi New York, með 2,6 millj­ónir íbú­a af um 8,4 millj­óna heildar­í­búa­fjölda borg­ar­inn­ar, eða fjölda sem nemur um hálfri milljón meira en stór-­Kaup­manna­hafn­ar­svæð­ið.

Næst á eftir Brook­lyn er Queens með 2,3 millj­ón­ir, en hin ­þrjú hverfin eru Man­hattan (1,6 millj­ónir íbú­a), The Bronx (1,5 millj­ónir íbú­a) og Staten Island (480 þús­und íbú­ar). Hverfið hefur breyst mikið á und­an­förn­um árum vegna vax­andi áhuga ungs fólks á því að koma sér fyrir innan þess. Því hefur fylgt mikil upp­bygg­ing þjónstu og versl­un­ar, en einnig hafa tækni­fyr­ir­tæki verið í vax­andi mæli að koma sér í hverf­inu og freista þess að byggja upp­ ­fyr­ir­tækið í grennd við hverfi þar sem ungt fólk velur að koma sér fyr­ir.

Um 55 pró­sent íbúa Brook­lyn eru hvítir og 38 pró­sent svart­ir. Ítalskar rætur eru nokkrar í hverf­inu, enn þann dag í dag, og eru Ítalir meira en 160 þús­und tals­ins í hverf­inu, eða um sex pró­sent af heild­ar­fjölda.

Í norð­ur- og aust­ur­hluta Brook­lyn, þar sem stærstu svæð­in eru Browns­ville, Can­arsie, East Flat­bush, Prospect Lefferts Gar­dens, East New York, Coney Island og Fort Greene, er eitt stærsta ­sam­fé­lag svartra í Banda­ríkj­un­um, en heildar­í­búa­fjöldi þess­ara hverfa er tæp­lega ein milljón og er 84 pró­sent íbúa svartir.

Tákn­myndin

Ein helsta tákn­mynd þess, Brook­lyn brúin sem byggð var 1883, ­gefur fólki kost á góðum sam­göngum við stærsta vinnu­svæðið í New York á Man­hatt­an. Hröð og mikil upp­bygg­ing hefur átt sér stað nærri staðnum þar sem Brook­lyn brúin liggur inn í hverfið og sér ekki fyrir end­ann á henni. Glæsi­hýsi rísa nú meðal ann­ars við hinn fagra og vel hann­aða garð, Brook­lyn Bridge Park, sem liggur með­fram fló­anum með útsýni yfir á Man­hatt­an.

Versl­un, þjón­usta og nýsköpun

Brook­lyn-hag­kerfið byggir öðru fremur á versl­unar og ­þjón­ustu­störf­um, en það sem hefur fært hverf­inu mik­inn styrk und­an­farin ár er ­mikil upp­bygg­ing á þekk­ing­ar­iðn­aði ýmis kon­ar. Eru þar lista- og hönn­un­ar­störf ­með­tal­in. Með­al­stór fyr­ir­tæki, á banda­rískan mæli­kvarða, eins og Kickstarter, Amplify og Vice Media, hafa komið sér fyrir í Brook­lyn og vaxið þar hratt á und­an­förnum árum.

Borg­ar­yf­ir­völd í New York hafa lagt mikla áherslu á að ­byggja upp inn­viði hverf­is­ins þannig að þar blóm­stri fjöl­breytni og sköp­un, sem í sögu­legu til­liti eru helstu eig­in­leikar þess. Þá hafa opin­berir skólar í hverf­inu sífellt verið að batna, sé litið til mæl­inga New York borgar og um­sagna á vef borg­ar­inn­ar.

Svarta hag­kerfið

Þrátt fyrir að hverfið hafi verið að byggj­ast upp í jákvæð­u­m hætti, sé litil til heild­ar­mynd­ar­inn­ar, þá eru ýmsir hlutar hverf­is­ins sem ennþá glíma við tölu­verða félags­lega erf­ið­leika. Glæpa­tíðni er víða hærri í Brook­lyn en í öðrum borg­ar­hlut­um, og þá hefur atvinnu­leysi hald­ist yfir lands­með­al­tali og einnig yfir með­al­tali hverf­anna í New York. Það mælist nú sex pró­sent en árið 2010, þegar áhrifin af fjár­málakrepp­unni voru djúp­stæð vítt og breitt um ­Banda­rík­in, fór atvinnu­leysi í 11,1 pró­sent. Á lands­vísu er atvinnu­leysi í Banda­ríkj­unum 4,9 pró­sent.

Í sögu­legu til­liti hefur svarta hag­kerfið í Brook­lyn ávallt ver­ið stórt, og var skipu­lögð glæp­a­starf­semi í hverf­inu umfangs­mik­il, einkum og sér í lagi framan af 20. öld. Margar kvik­myndir hafa verið gerðar um áhrif glæpa­sam­taka sem störf­uðu í Brook­lyn, meðal ann­ars Good­fellas frá 1990, sem Martin Scor­ses­e ­leik­stýrði. Hún rekur sanna sögu ítalsk-ætt­aðra Banda­ríkja­manna sem stýrð­u ­glæp­a­starf­semi sinni með harðri hendi frá Brook­lyn. 

Glæpa­tíðni í New York hefur farið lækk­andi á und­an­förnum árum, og sé litið til síð­ustu 25 ára þá hefur borgin farið frá því að vera ein hættu­leg­asta borg Banda­ríkj­anna í að vera ein sú örugg­asta. Árið 1990 voru 2.245 morð framin í borg­inni en 352 í fyrra.

Sterkar rætur íþrótta og lista

Brook­lyn, einkum og sér í lagi svæði þar sem svart lág­stétt­ar­fólk er í meiri­hluta íbúa, er þekkt fyrir metn­að­ar­fullt íþrótta­starf. Í gegnum tíð­ina hafa margir heims­frægir íþrótta­menn komið frá Brook­lyn og tek­ið ­fyrstu skrefin í íþrótt­unum á upp­vaxt­ar­ár­um. Má þar nefna körfu­bolta­mann­inn Car­melo Ant­hony, sem leikur með New York Knicks, sprett­hlauparann Justin Gatlin og ­síðan sjálfan kóng­inn í heimi körfu­bolt­ans, Mich­ael Jor­d­an.

Annað þekkt fólk sem fætt er í Brook­lyn er t.d. mafíu­for­ing­inn Al Capo­ne, sem var umsvifa­mik­ill á bann­ár­unum í und­ir­heimum Chicago en hann lést árið 1947. Stjórn­mála­mað­ur­inn Bernie Sand­ers, sem vill verða for­seta­efn­i Demókrata í kosn­ing­unum í nóv­em­ber, er einnig fæddur í hverf­inu, líkt og ­leikkon­urnar Joan Rivers og Ann Hat­haway.

Mikil umbreyt­ing

Sam­kvæmt áætl­unum New York borgar er gert ráð fyrir því að Brook­lyn muni vaxa hraðar en önnur hverfi borg­ar­inn­ar, á næstu árum. Fast­eigna­verð á svæð­inu hefur hækkað um meira 30 pró­sent á tveimur árum, sé horft til með­al­tala, en algengt leigu­verð á tveggja her­bergja íbúð í hverf­in­u er um þrjú þús­und Banda­ríkja­dal­ir, eða sem nemur um 380 þús­und krónum á mán­uð­i. Eins og með önnur hverfi New York borgar eru leigu­verð afar mis­mun­andi eft­ir ­gæðum íbúða og þjón­ustu sem oft fylgir leigu í stórum hús­um. 



Sjá einnig: Harlem-hag­kefið.