Sam­kvæmt könnun Seðla­banka Íslands á verð­bólgu­vænt­ingum mark­aðs­að­ila sem fram­kvæmd var í byrjun maí væntu þeir að verð­bólga yrði 3,2% eftir eitt ár, sem er 0,2 pró­sentum meira en í síð­ustu könnun í febr­úar síð­ast­liðn­um. Vænt­ingar þeirra um árs­verð­bólgu eftir tvö ár námu 3,4% eða ­svipað og í febr­ú­ar. Verð­bólgu­vænt­ingar þeirra til langs tíma hafa hækkað lít­il­lega frá síðust­u könnun en verið svip­aðar und­an­farið ár. 

Þetta kemur fram í fund­ar­gerð Pen­inga­stefnu­nefndar Seðla­bank­ans sem birt var í dag.

Í henni kemur jafn­framt fram, að mark­aðs­að­ilar búist við að verð­bólga verði að með­al­tali 3,5% á næstu tíu árum sem er 0,2 pró­sentum hærra en þeir væntu í febr­ú­ar. Verð­bólgu­á­lag á skulda­bréfa­mark­aði til fimm og tíu ára mælist heldur lægra en vænt­ingar mark­aðs­að­ila og var að með­al­tali um 3% í apríl eða svipað og verið hefur und­an­farna mán­uði.

Um þessar mundir mælist 1,6 pró­sent verð­bólga, og hefur verð­bólga nú hald­ist vel undir 2,5 pró­sent verð­bólgu­mark­miði í meira en ár. Kaup­máttur launa hefur auk­ist um 11,6 pró­sent að með­al­tali á und­an­förnum tólf mán­uð­um.

Spár Seðla­bank­ans um verð­bólgu­skot í kjöl­far kjara­samn­inga, hafa ekki gengið eft­ir, en Pen­inga­stefnu­nefnd hefur nefnt að þróun á erlendum mörk­uðum hafi verið Íslandi hag­felld, ekki síst vegna lækkun á ýmsum hrá­vörum, sem svo leiði til lægri verð­bólgu hér á land­i. 

Helsti áhrifa­þáttur í apríl var hækkun hús­næð­islið­ar­ins ásamt hækkun bens­ín­verðs. Einnig hafð­i hækkun mat­vöru­verðs nokkur áhrif. Verð á síma­þjón­ustu lækk­aði í apríl sem og flest­ir tóm­stunda- og afþrey­ing­ar­lið­ir. Verð almennrar þjón­ustu var á heild­ina litið óbreytt milli­ ­mán­aða og hefur hækkað um 1,8% sl. tólf mán­uð­i. 

Pen­inga­stefnu­nefnd nefnir sér­stak­lega, að áhrif af afnámi tolla á fatn­aði og skóm í árs­byrjun hafa verið minni en vænta mátti en verð á þessum und­ir­lið hefur ein­ungis lækk­að um 3% á und­an­förnu ári, þrátt fyrir afnám tolla og geng­is­hækkun krón­unn­ar. Ljóst er að ástæð­u þess má að nokkru leyti rekja til hækk­unar á inn­lendum kostn­að­ar­þáttum und­an­farið ár, segir í fund­ar­gerð nefnd­ar­inn­ar.

Í fund­ar­gerð­inni segir að mik­ill kraftur sé einnig á inn­lendum vinnu­mark­aði. Heild­ar­vinnu­stundum fjölg­aði um 2,3% milli­ ára á fyrsta fjórð­ungi þessa árs. Atvinnu­þátt­taka mælist nú næstum 83 pró­sent þegar leið­rétt hef­ur verið fyrir árs­tíð­ar­sveiflu og er orðin svipuð og hún var mest í byrjun árs 2007. 

Árs­tíð­ar­leið­rétt at­vinnu­leysi mæld­ist 3,1% á fjórð­ungn­um. Atvinnu­leysi er því lík­lega orðið minna en ætla má að sam­ræm­ist verð­stöð­ug­leika en búist er við að það verði 3,3% á árinu í heild. Aðr­ar vís­bend­ingar af vinnu­mark­aði hníga í sömu átt, segir nefnd­in. „Gert er ráð fyrir að heild­ar­vinnu­stundum fjölg­i um 3% í ár og eru horfur á meiri fjölgun á næsta ári í takt við bættar hag­vaxt­ar­horf­ur. Hlut­fall ­starf­andi heldur áfram að hækka og nær hámarki í tæp­lega 81% á næsta ári en það fór hæst í 81,5% árið 2007. Áfram er gert ráð fyrir því að fram­leiðni­vöxtur verði um 1% á ári að með­al­tali á spá­tím­an­um. Er það nokkuð undir sögu­legu með­al­tali en í takt við með­al­fram­leiðni­vöxt síð­ast­lið­inna tíu ára,“ segir í fund­ar­gerð­inni.