Um þessar mundir eru fimm mál til með­ferðar fyrir Hæsta­rétti sem telj­ast til svo­nefndra hrun mála, og tvö fyrir hér­aðs­dómi. Til hrun mála telj­ast mál sem tengj­ast hruni fjár­mála­kerf­is­ins með einum eða öðrum hætti. Tæp­lega átta og hálft ár eru frá því Kaup­þing, Glitnir og Lands­bank­inn féllu eins og spila­borg á þremur dög­um, 7. til 9. októ­ber 2008.

Aðspurður um stöð­una á hrun málum um þessar mundir segir Ólafur Þór Hauks­son, hér­aðs­sak­sókn­ari, að 15 mál hafi farið fyrir Hæsta­rétt og sé lok­ið, sex mál séu enn í rann­sókn og önnur sex í ákæru­með­ferð, þar sem meta þarf hvort ákært verði í þeim eða ekki. Eitt mál­anna er í bið­stöðu vegna rann­sóknar erlend­is, að sögn Ólafs Þórs. Fimmtán málum er því lokið og 20 málum ólok­ið, sé mið tekið af þessu.

Banka­stjórar allra bank­anna, Hreiðar Már Sig­urðs­son, fyrr­ver­andi for­stjóri Kaup­þings, Lárus Weld­ing, fyrr­ver­andi for­stjóri Glitn­is, og Sig­ur­jón Þ. Árna­son, fyrr­ver­andi banka­stjóri Lands­bank­ans, hafa hlotið fang­els­is­dóma og eru ennþá til með­ferðar mál sem bein­ast að þeim tveimur fyrr­nefndu. Hall­dór J. Krist­jáns­son, sem var banka­stjóri með Sig­ur­jóni hjá Lands­bank­an­um, hefur ekki hlotið dóm vegna hruns­máls og ekki verið ákærð­ur.

Á þriðja tug ann­arra hafa hlotið dóma í hrun­mál­un­um, sem flest hafa verið mikil að umfangi og verið tíma­frek í rann­sókn, eins og segir í skýrslu Rík­is­end­ur­skoð­un­ar. Stærsta mál­ið, með til­liti til fjölda ákærðra, mál­skjala og umfangs í upp­hæð­um, var mark­aðs­mis­notk­un­ar­mál Kaup­þings, en í því voru allir 9 ákærðu sak­felld­ir, en þyngstu dómana hlutu æðstu stjórn­endur bank­ans.

Sak­fellt hefur verið í vel­flestum mál­unum í Hæsta­rétti, eins og greint er frá í skýrslu Rík­is­end­ur­skoð­unar um emb­ætti sér­staks sak­sókn­ara frá því í nóv­em­ber í fyrra. „Af þeim 806 málum sem emb­ættið tók við lutu 208 að upp­haf­legu verk­efni þess, rann­sókn og sak­sókn mála sem tengd­ust efna­hags­hrun­inu (hrun­mál), og lauk það með­ferð 173 þeirra, 27 voru í vinnslu þegar emb­ættið var lagt niður og átta biðu afgreiðslu. Alls fóru 46 hrun­mál í ákæru­með­ferð á starfs­tíma emb­ættis sér­staks sak­sókn­ara. Þar af fékkst end­an­leg dóms­nið­ur­staða í níu mál­anna. Einum dómi hér­aðs­dóms var unað en átta dómar féllu í Hæsta­rétti. Sak­fellt var að hluta eða öllu leyti í sjö málum en sýknað í tveim­ur,“ segir í skýrsl­unni. Þegar allt er talið eru það fimmtán mál, stór og smærri, sem er lokið fyrir Hæsta­rétti, sam­kvæmt svari Ólafs Þórs.

Í nýjasta mál­inu sem telst til hrun mála var sýkn­að, en í því voru stjórn­ar­menn og for­stjóri SPRON ákærð vegna lán­veit­ingar SPRON til Exista 30. sept­em­ber 2008, eða fyrir tæp­lega átta og hálfu ári. Einnig var sýknað í hér­aði í því máli.