158 hjúkr­un­ar­fræð­ingar á Land­spít­al­anum hafa sagt upp störfum frá því að verk­fall þeirra var bannað fyrir rúmri viku síð­an. Flestar upp­sagn­irn­ar, eða 88 tals­ins, eru á aðgerða- og skurð­lækn­inga­sviði. Frá þessu var greint í hádeg­is­fréttum RÚV.

Alma Möll­er, fram­kvæmda­stjóri aðgerða­sviðs Land­spít­al­ans, segir í sam­tali við RÚV að alveg ljóst sé að upp­sagn­irnar myndu hafa í för með sér skerta starf­semi á skurð­stofum og á gjör­gæslu­deild, ef þær koma til fram­kvæmda. „Það er ekki gott núna þegar fyrir liggja biðlistar frá verk­föll­un­um. Það verður auð­vitað allri bráða­þjón­ustu sinnt en það eru þessar svoköll­uðu val­að­gerð­ir, þeim yrði fækk­að.“ Nú verður farið í að und­ir­búa neyð­ar­á­ætlun fyrir svið­ið.

189 heil­brigð­is­starfs­menn hafa sagt upp á Land­spít­al­anum und­an­farna daga og við­búið er að talan hækki í dag. Til sam­an­burðar sögðu 254 hjúkr­un­ar­fræð­ingar upp störfum árið 2012 þegar hjúkr­un­ar­fræð­ingar deildu við spít­al­ann um stofn­ana­samn­ing.

Búið er að boða til fundar í kjara­deilu hjúkr­un­ar­fræð­inga og rík­is­ins í fyrra­mál­ið, en Ólafur G. Skúla­son, for­maður félags íslenskra hjúkr­un­ar­fræð­inga, sagði við RÚV að hann teldi rík­is­sátta­semj­ara aðeins vera að upp­fylla laga­skyldu sína með boð­inu. Sam­kvæmt lögum eigi hann að boða til samn­inga­funda ekki sjaldnar en hálfs­mán­að­ar­lega og síð­asti fundur var 10. júní.