Nú hafa verið gefnir út 165.020 íslyklar til ein­stak­linga og 3.805 til fyr­ir­tækja.

Inn­skrán­ing­ar­þjón­usta Ísland.is býður upp á inn­skrán­ingu inn á vefi um 150 þjón­ustu­veit­enda og um fimm til fimmtán þús­und manns nýta sér þjón­ust­una dag­lega. Þetta kemur fram á vef Þjóð­skrár Íslands.

Íslyk­ill er hluti af inn­skrán­ing­ar­þjón­ustu Ísland.is en þar er líka hægt að nota raf­ræn skil­ríki í síma og á kort­um. Hlut­falls­leg notkun inn­skrán­ing­ar­leiða síð­ast­liðna sex­tíu daga er íslyk­ill 86,71%, raf­ræn skil­ríki á korti 1,42%, raf­ræn skil­ríki í far­síma 11,37%, styrktur Íslyk­ill 0,29% og OPT auð­kenn­ing 0,20%.

Mynd: Þjóð­skrá Íslands­.

Ólafur Steph­en­sen, fram­kvæmda­stjóri Félags atvinnu­rek­enda, skrif­aði harð­orða grein í Morg­un­blaðið í morg­un, þar sem raf­ræn skil­ríki eru til umfjöll­un­ar. Í grein­inni segir Ólafur að skulda­leið­rétt­ingin svo­kall­aða hafi verið notuð til að smala neyt­endum í við­skipti við einka­fyr­ir­tækið Auð­kenni sem hefur ein­ok­un­ar­stöðu í útgáfu raf­rænna skil­ríkja. Auk þess var fyr­ir­tækjum þröngvað í við­skipti við fyr­ir­tæk­ið, inn­leið­ing­ar­ferli raf­rænna skil­ríkja illa und­ir­búið og það hafði nei­kvæð áhrif á frjálsa sam­keppni. Í ljósi þeirrar yfir­burð­ar­stöðu sem hin öfl­uga smölun við­skipta­vina, með dyggri aðstoð rík­is­valds­ins, hefur skilað Auð­kenni getur fyr­ir­tækið rukkað mun hærra verð fyrir þjón­ustu sína en aðrir sem bjóða upp á raf­ræn skil­ríki.

Auð­kenni er fyr­ir­tæki sem er í eigu Sím­ans, Ter­is, Arion banka, Íslands­banka og Lands­banka. Þeir neyt­endur sem nýttu sér skulda­leið­rétt­ingu rík­is­stjórn­ar­innar þurftu að verða sér úti um raf­ræn skil­ríki til að geta sam­þykkt hana. Til að byrja með voru skil­rík­in, sem fólk getur notað í far­símum sín­um, ókeypis en Auð­kenni hefur síðan gefið út að fyr­ir­tækið ætli að rukka fyrir þau. Neyt­endur verða ekki rukk­að­ir  beint heldur verður lagt gjald á þau fyr­ir­tæki sem þurfa að bjóða við­skipta­vinum sín­um, meðal ann­ars fjar­skipta­fyr­ir­tæki sem eru í sam­keppni við einn eig­anda Auð­kennis, Sím­ann.

Ólafur segir enn fremur að neyt­endur sjálfir muni sitja uppi með kostn­að­inn af þess­ari ein­ok­un­ar­stöðu sem uppi er, vegna lélegs und­ir­bún­ingar og slæmrar fram­kvæmdar þessa ann­ars mik­il­væga máls.