Guð­laugur Þór Þórð­ar­son, þing­maður Sjálf­stæð­is­flokks­ins og vara­for­maður fjár­laga­nefnd­ar, segir að tölvu­póstar milli Ingva Hrafns Ósk­ars­son­ar, frá­far­andi for­manns stjórnar RÚV, og starfs­manns fjár­mála­ráðu­neyt­is­ins, sem Morg­un­blaðið hefur undir höndum, sýni að stjórn­end­ur RÚV hafi veitt fjár­laga­nefnd rangar upp­lýs­ing­ar. Blaðið hefur þetta eft­ir ­Guð­laugi Þór í dag. 

Guð­laugur Þór og Vig­dís Hauks­dótt­ir, for­maður fjár­laga­nefnd­ar, hafa áður haldið því fram að for­svars­menn RÚV hafi vís­vit­andi blekkt fjár­laga­nefnd með því að gefa þeim rangar upp­lýs­ingar um stöðu félags­ins. Útvarps­stjóri hafn­aði þeim ásök­unum alfarið í síð­ustu viku.

Stjórn­ar­for­maður hætt­ir fjórum dögum eftir skýrslu

Ingvi Hrafn, sem sat í stjórn­inni sem full­trú­i ­Sjálf­stæð­is­flokks­ins, sagði óvænt af sér sem for­maður stjórnar RÚV í gær­kvöld­i ­með til­kynn­ingu til Kaup­hallar Íslands. Í til­kynn­ing­unni gaf hann þá skýr­ing­u að framundan væru umfangs­mikil verk­efni viðað móta fram­tíð félags­ins. „Við þær aðstæður tel ég ­nauð­syn­legt að for­maður stjórnar Rík­is­út­varps­ins eigi þess kost að sinna hin­um brýnu við­fangs­efnum af kost­gæfni. Vegna mik­illa og vax­andi anna í starfi mín­u ­sem lög­maður sé ég mér því miður ekki fært að verja áfram nauð­syn­legum tíma og orku í störf fyrir hönd Rík­is­út­varps­ins sam­hliða lög­manns­stör­f­un­um. Á þessum ­tíma­mótum tel ég því skyn­sam­legt að annar taki við verk­efn­inu og fylgi því úr hlað­i.“

Ing­vi Hrafn þakk­aði Magn­úsi Geir Þórð­ar­syni, útvars­stjóra, sér­stak­lega fyrir einkar ­gott sam­starf og Ill­uga Gunn­ars­syni, mennta- og menn­ing­ar­mála­ráð­herra fyr­ir­ þann „ein­dregna stuðn­ing“ sem stjórn og stjórn­endur RÚV hafi not­ið.

Ing­vi Hrafn og Magnús Geir hafa verið mjög sam­taka í varð­stöðu sinni um rekstur RÚV und­an­farið eitt og hálft ár. Afsögn Ingva Hrafns kemur fjórum dögum eftir að ­um­deild skýrsla um RÚV var gerð opin­ber.

Í skýrslu nefnd­ar­inn­ar, sem Ill­ugi Gunn­ars­son, mennta- og menn­ing­ar­mála­ráð­herra skip­aði til að greina þróun á starf­semi RÚV  og kom út í síð­ustu viku var rekstur fyr­ir­tæk­is­ins harð­lega gagn­rýnd­ur. Þar sagði meðal ann­ars að rekstur RÚV hafi verið ósjálf­bær frá því að fyr­ir­tækið var gert að opin­beru hluta­fé­lagi árið 2007. Alls nemur tap umfram hagnað 813 millj­ónum króna á því tíma­bili, og er þar gert ráð fyrir þeim tekjum sem RÚV hefur af útvarps­gjaldi sem lands­mönnum er skylt að greiða. Samt sem áður gera áætl­anir RÚV, sem fyr­ir­tækið vinnur eft­ir, ráð fyrir því að það fái hærra útvarps­gjald en gert er ráð fyrir í fjár­laga­frum­varpi árs­ins, að 3,2 millj­arða króna lán vegna líf­eyr­is­skuld­bind­inga hverfi úr efna­hag RÚV og að sala á bygg­inga­rétti á lóð fyr­ir­tæk­is­ins gangi eft­ir. Gangi allar þessar for­sendur ekki eftir er rekstur RÚV eins og fyr­ir­tækið er rekið í dag ósjálf­bær.

For­svars­menn RÚV hafa hafnað mörgu sem fram kemur í skýrsl­unni og hafa gagn­rýnt hana harð­lega. 

Morg­un­blaðið birt­ir ­tölvu­póst­sam­skipti

RÚV var heitið skil­yrtu auka­fram­lagi á fjár­lögum að fjár­hæð 182 millj­ónir króna. Fram­lagið var bundið því að RÚV myndi mæta ákveðnum skil­yrðum í rekstri sín­um.

Í Morg­un­blað­inu í dag er sagt að í vor hafi full­trúar RÚV komið á fund fjár­laga­nefnd­ar og sýnt glæru­kynn­ingu. Á einni hafi staðið orð­rétt: „Fjár­mála­ráðu­neytið stað­festi í tölvu­pósti þann 26.3.2015 að RÚV hefði full­nægt skil­yrðum sem sett voru í nefnd­ar­á­liti við aðra um­ræðu fjár­laga vegna fjár­veit­ingar upp á 181,5 millj­ónir vegna árs­ins 2015.“

Í Morg­un­blaðið er síðan vitnað í tölvu­pósta sem gengið höfðu á milli­ fjár­mála­ráðu­neyt­is­ins og Ingva Hrafns í tengslum við mál­ið. Í pósti frá Ingva Hrafns til ráðu­neyt­is­ins seg­ir: „Í fjár­lögum liggur fyrir í grein­ar­gerð skil­yrði sem lúta að fjár­veit­ingu til­ ­Rík­is­út­varps­ins ohf. og þar á meðal um til­tekna upp­lýs­inga­gjöf sem kveðið er á um að skuli eiga sér stað fyrir næstu mánaða­mót. Málin hafa hins vegar far­ið í nokkuð annan far­veg en grein­ar­gerðin mælir fyrir um. Starfs­hópur á veg­um fjár­mála­ráð­herra, for­sæt­is­ráð­herra og mennta­mála­ráð­herra hefur að und­an­förn­u farið yfir og greint fjár­hags­upp­lýs­ingar og rekstr­ar­á­ætl­anir félags­ins og ráð­staf­anir vegna fjár­hags­stöð­unnar eru til skoð­un­ar.

Með þessum tölvu­pósti óskast stað­fest af hendi fjár­mála­ráðu­neyt­is­ins að ekki sé kraf­ist að Rík­is­út­varpið leggi fram sér­staka rekstr­ar­á­ætlun til­ við­bótar við þau gögn sem þegar hafa verið kynnt fram­an­greindum vinnu­hópi, og að RÚV telj­ist ekki hafa brotið gegn skil­yrðum fjár­laga með því að leggja ekki fram umrædda rekstr­ar­á­ætlun á þessu stig­i.“

Starfs­maður ráðu­neyt­is­ins svarar því til að hann geti „stað­fest að starfs­hópur á vegum ráðu­neyt­anna ­þriggja hefur mót­tekið gögn frá Rík­is­út­varp­inu ohf. í sam­ræmi við þau skil­yrð­i ­sem fjár­laga­nefnd setti í nefnd­ar­á­liti við aðra umræðu fjár­laga. Hópurinn­ hefur haft gögnin til skoð­unar og ekki er úti­lokað að hóp­ur­inn óski eft­ir við­bót­ar­gögnum áður en málið verður lagt fyrir ráð­herra­nefnd um rík­is­fjár­mál.“

Guð­laugur Þór segir svör ráðu­neyt­is­ins ekki í sam­ræmi við þær full­yrð­ingar sem for­ystu­menn RÚV báru fyrir fjár­laga­nefnd í mars og seg­ir að þær upp­lýs­ingar hafi ekki verið rétt­ar. „Það er grund­vall­ar­at­riði ef nefndin á að geta sinnt eft­ir­lits­hlut­verki að hún fái réttar upp­lýs­ing­ar. Við eigum ekki að þurfa að efast um það sem er lagt fyrir nefnd­ina“.