Gunnar Han­sen, leik­ari, er lát­inn 68 ára að aldri. Gunnar barð­ist við krabba­mein í brisi. Frétta­stofa AP greinir frá and­láti Gunn­ars í dag.

Gunnar var þekkt­astur fyrir hlut­verk sitt sem ill­mennið Leð­ur­fés í kvik­mynd­inni Texas Chain Saw Massacre. Myndin kom út árið 1974 og er Leð­ur­fés að mati margra en þann dag í dag eitt­hvert rosa­leg­asta ill­menni kvik­mynda­sög­unn­ar. 

Árið 2013 gaf Gunnar út bók­ina Chain Saw Con­fidential þar sem hann fjall­aði um hvað gerð­ist bak­við tjöldin við gerð mynd­ar­inn­ar. 

Gunnar fædd­ist í Reykja­vík en flutti ungur til Banda­ríkj­anna. Hann stund­aði við Háskól­ann í Texas. Þar lærði hann ensku og Skand­in­av­íu­fræði. Hann bjó í Maine í Banda­ríkj­unum í 40 ár, þar sem hann starf­aði sem leik­ari og rit­höf­und­ur. Gunnar var í sam­búð með Betty Tower.

Þegar Gunnar lést vann hann að mynd­inni Death Hou­se, að því er AP frétta­stofa hefur eftir umboðs­manni hans. Gunnar var fram­leið­andi og höf­undur mynd­ar­innar en sam­kvæmt síð­unni Imd­b.com fjallar myndin um það þegar leyni­byrgi stjórn­valda verður mið­punktur hræði­leg­asta fang­els­is­flótta í sögu mann­kyns. Stefnt er að útgáfu mynd­ar­innar á næsta ári.

Árið 2013 birt­ist áhuga­vert við­tal við Gunnar á vef­síð­unni Nörd Norð­urs­ins. Gunar var þá staddur á hryll­ings­mynda­há­tíð­inni Mad Mon­ster Party í Banda­ríkj­unum og ræddi við blaða­mann Nörds Norð­urs­ins. Við­talið má lesa hér.