Útvarps­gjaldið lækkar á næsta ári í 16.400 krón­ur, sam­kvæmt til­lögum meiri­hluta fjár­laga­nefndar Alþingis fyrir þriðju og síð­ustu umræðu fjár­lag­anna fyrir næsta ár. Ill­ugi Gunn­ars­son mennta- og menn­ing­ar­mála­ráð­herra dró jafn­framt frum­varp sitt um að útvarps­gjald­inu yrði haldið óbryettu til baka úr rík­is­stjórn, þar sem það hafði verið fast um nokk­urt skeið. 

Á móti lækkun útvarps­gjalds­ins verður hins vega 175 millj­óna auka­fram­lag sett til inn­lendrar dag­skrár­gerðar á RÚV. Með því segir Ill­ugi að krónu­tala fram­laga á næsta ári verði sú sama og á þessu ári. „Menn sjá það engu að síður að áfram er rekstr­ar­vand­i,“ segir Ill­ugi við Morg­un­blaðið í dag. 

Magnús Geir Þórð­ar­son útvarps­stjóri segia að það sé aug­ljóst að nú þurfi RÚV að skerða dag­skrá og þjón­ustu til að tryggja halla­lausan rekst­ur. Hann segir það von­brigði hvernig málið fór. „Það er ljóst að þessar 175 millj­ónir koma á móti og bætir það ­stöð­una nokkuð en öll fyr­ir­tæki á mark­aði þurfa að taka verð­lags­þróun og launa­hækk­anir með í reikn­ing­inn.“ 

Meðal ann­arra til­lagna fyrir lokaum­ræðu fjár­laga er að settur verði rúmur millj­arður króna til Land­spít­al­ans.  „Við höfum ver­ið mjög ugg­andi yfir­ ár­inu 2016. Það að fá aukið fé minnkar þær á­hyggj­ur. Við ­fögnum því að okkar óskum sé ­sýndur skiln­ing­ur,“ ­segir Pál­l Matth­ía­son, for­stjóri Land­spít­ala við Morg­un­blaðið í dag. Féð sé nægi­legt til þess að kveða nið­ur­ ­mestu áhyggj­urn­ar, bæði hvað varðar brýn­ustu við­halds­verk­efn­i og frá­flæð­is­vand­ann, og það ger­i ­spít­al­anum auð­veld­ara að gegna kjarna­hlut­verki sínu á skil­virk­ari hátt. „Það mik­il­væg­asta er síð­an það að stefna áfram að upp­bygg­ing­u ­þjóð­ar­sjúkra­húss­ins,“ seg­ir Páll.