Árni Páll: Andstöðunni ber siðferðisleg skylda að reyna myndun ríkisstjórnar

Árni Páll Árnason
Auglýsing

Árni Páll Árna­son, for­maður Sam­fylk­ing­ar­inn­ar, segir að ef núver­andi stjórn­ar­and­stöðu­flokkar ná meiri­hluta í næstu þing­kosn­ing­unum séu flokk­arnir sið­ferð­is­lega bundnir því að reyna að mynda meiri­hluta­stjórn í land­in­u. Það má kalla það hvað sem er, kosn­inga­banda­lag. Ef ein­hver ­flokkur vill slíta sig frá þessu þá þarf hann að til­kynna um það." Þetta kom fram í við­tali við Árna Pál í útvarps­þætt­inum Sprengisandi á Bylgj­unni í dag.

Árni Páll benti á að flokk­arnir sem mynda rík­is­stjórn nú hafi mælst með hraust­legan minni­hluta, um 35 pró­sent fylgi, í skoð­ana­könn­unum nán­ast allt þetta kjör­tíma­bil. Stjórn­ar­and­stöðu­flokk­arnir hefðu mælst saman með um 65 pró­sent fylgi frá því snemma árs 2014. Fylgið innan hennar hafi síðan færst á milli flokka. Sam­fylk­ingin hafi til að mynda mælst með um 23 pró­senta fylgi á síð­asta ári, en fylgið hefur hrunið síðan þá. Síð­ustu níu mán­uði hefur þorri þessa fylgis mælst hjá Píröt­um, sem hafa verið stærsti flokkur lands­ins með yfir 30 pró­sent fylgi nán­ast allt þetta ár. 

Aðspurður um hvort kosn­inga­banda­lag væri í píp­unum sagði Árni Páll að hann væri til í að vinna með öðrum umbótasinn­uðum öfl­u­m. „Ef að stjórn­ara­dn­staða vinnur meiri­hluta í kosn­ingum þá ber henni skylda að reyna að mynda meiri­hluta­stjórn. Menn yrðu sið­ferð­is­lega bundnir því. Það má kalla það hvað sem er, kosn­inga­banda­lag. Ef ein­hver flokk­ur vill slíta sig frá þessu þá þarf hann að til­kynna um það."

Auglýsing

Árni Páll sagð­ist einnig alveg til­bú­inn að skoða og ræða um að ganga lengra og setja sam­eig­in­lega mál­efna­skrá. Stjórn­ar­and­staðan hefði verið ein­huga í flestum stóru átaka­málum sem upp hafi komið á þessu kjör­tíma­bili og hafi til að mynda lagt fram sam­eig­in­legar breyt­ing­ar­til­lögur við fjár­lög tvö ár í röð. Það væri hins vegar flokk­anna að ákveða það, ekki ein­stak­linga sem kosnir hafa verið til for­ystu innan þeirra. Lyk­il­at­riði fyrir honum yrði að sú mál­efna­skrá yrði grund­völluð á grunn­gildum jafn­að­ar­mennsku.

Kjarn­inn fjall­aði ítar­lega um þá for­dæma­lausu póli­tísku stöðu sem uppi er í dag í frétta­skýr­ingu fyrir skemmstu.

Meira úr sama flokkiInnlent
None