Hill­ary Clinton sigr­aði Bernie Sand­er­s í for­vali Demókra­ta­flokks­ins í Nevada í gær. Clinton hlaut 52,6% ­at­kvæða á meðan Bernie Sand­ers fékk 47,3%. Sand­ers sagð­ist engu að síður vera með vind­inn í bak­ið, og hann og hans fólk væru á mik­illi sigl­ing­u. 

Don­ald Trump sigr­að­i í for­vali repúblik­ana í Suð­ur­-Kar­ólínu, sem fór einnig fram í gær. Trump vann stór­sig­ur, fékk 32,5% atkvæða, um tíu ­pró­sentu­stigum meira en Marco Rubio og Ted Cruz, sem voru nánast hnífjafnir í öðru og þriðja sæti.

Jeb Bush til­kynnti í nótt, að ­ís­lenskum tíma, að hann hygð­ist nú hætta í bar­átt­unni eft­ir lé­leg úrslit í fyrstu þremur for­völ­un­um. Hann lenti í fjórða ­sæti í Suð­ur­-Kar­ólínu í gær. Bush hélt til­finn­inga­þrungna ræðu eftir að úrslitin voru ljós. „Fólkið í Iowa, ­Suð­ur­-Kar­ólínu og New Hamps­hire hefur tal­að, og ég virði þeirra á­kvörðun mjög,“ sagði hann. „Ég lifi ótrú­legu lífi og ­fyrir mig hefur almanna­þjón­usta verið hápunktur lífs­ins.“

Bush var tal­inn lík­leg­astur til að hreppa útnefn­ingu Repúblikana­flokks­ins þegar hann hóf kosn­inga­bar­átt­una um mitt síð­asta ár. Þá var mikið fjallað um mögu­leik­ann á því að annar Clinton og þriðji Bush yrðu í fram­boði. Það fór þó að halla fljótt undan fæti, ekki síst vegna Don­alds Trump. 

Á þriðju­dag kjósa svo demókratar í Suð­ur­-Kar­ólínu og repúblikanar í Nevada. Viku síðar munu svo tólf ríki velja sína fram­bjóð­end­ur.