Vátrygg­inga­fé­lag Íslands (VÍS) gaf út víkj­andi skulda­bréf ­sem seld voru fyrir um tvo millj­arða króna í lok síð­asta mán­að­ar. Líf­eyr­is­sjóð­ir, verð­bréfa­sjóðir og aðrir fag­fjár­festar keyptu útgáf­una, sem ber 5,25 pró­sent verð­tryggða vexti og er til 30 ára. Það eru umtals­vert hærri vextir en al­menn­ingi býðst hjá líf­eyr­is­sjóðum lands­ins. Þetta má lesa í til­kynn­ingu VÍS til Kaup­hall­ar.

Á meðan að á skulda­bréfa­út­boð­inu stóð til­kynnti stjórn VÍS ­til­lögur sínar um að greiða út fimm millj­arða króna arð þrátt fyrir að hagn­að­ur­ ­fé­lags­ins í fyrra hafi ein­ungis verið 2,1 millj­arðar króna. Þessi arð­greiðsla er m.a. rök­studd með því að reikniskila­reglum hafi verið breytt þannig að vá­trygg­inga­skuld VÍS, sem oft er kölluð bóta­sjóður í dag­legu tali, var lækk­uð um fimm millj­arða króna en eigið fé félags­ins sam­hliða aukið um 3,7 millj­arða króna.

Nokkrir af stærstu hlut­höfum VÍS ætla ekki að styðja arð­greiðsl­una á aðal­fundi félags­ins sem hald­inn verður í næstu viku, nán­ar til­tekið 17. mars. Þrír af fjórum stærstu hlut­höfum VÍS eru þrír stærst­u líf­eyr­is­sjóðir lands­ins. Stærstur er Líf­eyr­is­sjóður verzl­un­ar­manna en Gild­i líf­eyr­is­sjóður og Líf­eyr­is­sjóður starfs­manna rík­is­ins eru einnig á með­al­ ­stærstu eig­enda. Alls eiga líf­eyr­is­sjóðir lands­ins tæp­lega 36 pró­sent hlut í VÍS.

Stjórn VÍS send­i hins vegar frá sér til­kynn­ingu í gær þar sem hún sagð­ist standa við áform um arð­greiðsl­una. Þar stendur m.a.: „Stjórn hefur skiln­ing á því að mörg­um ­þyki arð­greiðslan há. Ástæða þess er sú að félagið hefur farið sér hægt í að greiða arð til eig­enda sinna. Á árunum 2009 – 2013 var ekki greiddur út arð­ur­ hjá félag­inu þrátt fyrir hagn­að.“ Þess má geta að VÍS var skráð á markað árið 2013, og því komu flestir þeirra hlut­hafa sem nú eiga í félag­inu að því eft­ir að sá gjörn­ingur átti sér stað.

VÍS hefur greitt sér út tölu­verðan arð á und­an­förnum árum, eftir að félagið var skráð á mark­að. Félagið greiddi hlut­höfum sínum 1,8 millj­arða króna í arð árið 2014 vegna árs­ins 2013 og 2,5 millj­arða króna í fyrra vegna árs­ins 2014. Í fyrra var einnig sam­þykkt að kaupa eigin bréf hlut­hafa fyrir 2,5 millj­arða króna, en slík upp­kaup eru ígildi arð­greiðslna utan þess að ekki þarf að greiða fjár­magnstekj­ur­skatt af þeim. Stjórn VÍS lagð­i einnig til að að eigið fé félags­ins yrði lækkað á næsta aðal­fundi sem fram fer í næstu viku.