Landsbankinn breytir ferli við sölu á eignum

Eftir gagnrýni á Landbankann, meðal annars vegna Borgunar-málsins, hefur Landsbankinn farið ítarlega yfir það hvernig megi bæta vinnulag við sölueigna. Nýju ferli hefur nú verið ýtt í framkvæmd.

Landsbankinn
Auglýsing

Lands­bank­inn hefur ákveðið að breyta stefnu sinni og ferlum, sem tengj­ast sölu á eign­um, meðal ann­ars vegna harðrar gagn­rýni í tengslum við Borg­un­ar-­mál­ið. Þetta kemur fram í til­kynn­ingu frá bank­an­um.

Eins og kunn­ugt er seldi Lands­bank­inn 31,2 pró­sent hlut í Borgun til val­inna fjár­festa í lok­uðu sölu­ferli, undir lok árs 2014, á 2,2 millj­arða króna. Fimm af sjö banka­ráðs­mönnum í banka­ráði Lands­bank­ans hafa ákveðið að hætta vegna máls­ins, eftir að Banka­sýsla rík­is­ins gagn­rýndi Borg­un­ar-­málið harð­lega, og fór fram á að banka­ráðið myndi víkja, og Stein­þór Páls­son for­stjóri sömu­leið­is. Það hyggst hann ekki gera.

„Und­an­farið hefur Lands­bank­inn verið gagn­rýndur vegna sölu árið 2014 á eign­ar­hlut sínum í korta­fyr­ir­tæk­inu Borgun hf. Gagn­rýnin lýtur ann­ars vegar að því að bank­inn hafi ekki selt eign­ar­hlut­inn í opnu sölu­ferli og hins vegar að bank­inn hafi ekki samið um við­bót­ar­greiðslur vegna val­réttar sem tengdur var hugs­an­legum sam­runa Visa Europe og Visa Inc. Lands­bank­inn hefur farið ítar­lega yfir aðdrag­anda og for­sendur þeirra ákvarð­ana sem teknar voru varð­andi söl­una. Bank­inn harmar að sölu­með­ferðin á hlutnum í Borgun hafi varpað skugga á þann árangur sem bank­inn hefur náð á und­an­förnum árum. Bank­inn tekur málið mjög alvar­lega og hefur ein­sett sér að læra af reynsl­unn­i,“ seg­irí til­kynn­ingu frá bank­an­um.

Auglýsing

Stjórn­ar­for­maður Lands­bank­ans, Tryggvi Páls­son, sagði á aðal­fundi bank­ans 18. mars 2015 að betra hefði verið að hafa sölu­ferlið opið. Þá breytti bank­inn stefnu um sölu eigna árið 2015 þannig að stefna sem áður náði aðeins til fulln­ustu­eigna skyldi ná til ann­arra eigna bank­ans og leit­ast yrði við, eftir því sem kostur væri, að hafa sölu­ferli opið og gagn­sætt.

„Und­ir­bún­ingur og ákvarð­anir bank­ans um sölu á hlutum í Borgun höfðu það eina mark­mið að gæta hags­muna bank­ans, eins og þeir voru metnir á þeim tíma í ljósi þeirra upp­lýs­inga sem þá lágu fyr­ir. Engir ann­ar­legir hvatar eða sjón­ar­mið voru að baki ákvörð­unar um að selja hlut­inn á þann hátt sem gert var. Við söl­una tók bank­inn mið af fyr­ir­liggj­andi upp­lýs­ingum og bank­inn taldi skipta máli varð­andi sölu á hlutnum í Borg­un. Á síð­ustu mán­uðum hafa á hinn bóg­inn komið fram upp­lýs­ingar um að Borgun muni fá tölu­verð verð­mæti í sinn hlut vegna yfir­töku Visa Inc. á Visa Europe. Lands­bank­inn hefur áður bent á að bank­inn hafði engar upp­lýs­ingar um að Borgun ætti rétt á hlut­deild í val­rétt­ar­greiðsl­u­m,“ segir í til­kynn­ing­unni.

Eftir vand­lega skoðun hefur banka­ráð Lands­bank­ans sam­þykkt aðgerða­á­ætlun til að efla stjórn­ar­hætti bank­ans varð­andi sölu eigna. Áætl­unin miðar að því að koma í veg fyrir að sam­bæri­leg álita­mál komi upp aftur vegna sölu eigna og stuðla að auknu gagn­sæi og trausti til bank­ans.

Helstu liðir áætl­un­ar­innar eru eft­ir­far­andi, sam­kvæmt til­kynn­ingu frá bank­an­um.

1.        stefna um sölu eigna hefur verið sam­þykkt. Mark­mið hennar er að tryggja vand­aða stjórn­ar­hætti um sölu eigna og tak­marka rekstr­ar­á­hættu og orð­spors­á­hættu sem sala eigna getur falið í sér. Í nýju stefn­unni er kveðið á um að meg­in­reglan sé að sölu­ferli sé opið. Frá­vik frá þeirri meg­in­reglu verður að vera rök­stutt, skráð og háð sam­þykki banka­ráðs. Í stefn­unni er skil­greint hvaða eignir telj­ast til mik­il­vægra eigna með til­liti til verð­mætis og orð­spors­á­hættu. Sala mik­il­vægra eigna skal háð sér­stöku mati á orð­spors­á­hættu og sam­þykki banka­ráðs.

2.       Settar verða skráðar verk­lags­reglur um sölu allra helstu flokka eigna, sem byggja á nýrri stefnu bank­ans um sölu eigna. Slíkar verk­lags­reglur eru þegar til staðar um til­tekna eigna­flokka og verða þær upp­færð­ar. Í verk­lags­regl­unum verður að finna:

a.                  Ákvæði um stjórn­ar­hætti varð­andi sölu eigna.        

b.                  Skil­grein­ingu á opnu sölu­ferli fyrir hvern eigna­flokk.

c.                   Leið­bein­ingar um mat á orð­spors­á­hættu.

d.                  Kröfu um gagn­sæi og að upp­lýs­ingar um eignir til sölu séu aðgengi­leg­ar.

e.                  Leið­bein­ingar um hvenær afla skuli verð­mats og áreið­an­leika­könn­unar ytri aðila við sölu á mik­il­vægum eign­um.

3.       Stefna og verk­lag tekur mið af áhættu og verð­ur  háð þriggja þrepa eft­ir­liti, þar sem starfs­menn og stjórn­end­ur, eft­ir­litsein­ingar og innri end­ur­skoðun hafa hvert um sig til­teknu hlut­verki að gegna. 

4.       Árlega verður birt skýrsla á vef bank­ans þar sem veittar verða upp­lýs­ingar um  eignir sem eru til sölu og eignir sem seldar hafa verið und­an­farna 12 mán­uði.

5.       Sett hefur ver­ið sér­stök stefna um orð­spors­á­hættu. Stefn­unni er ætlað að auð­velda starfs­mönnum bank­ans að meta orð­spors­á­hættu við sölu eigna. Stefnan skal end­ur­spegl­ast í starf­semi bank­ans og vera hluti af áhættu­stjórnun hans. Í stefn­unni eru sett við­mið um með hvaða hætti Lands­bank­inn leggur mat á orð­spors­á­hættu og hvernig unnið er að því að lág­marka orð­spors­á­hættu bank­ans og tjón sem af henni getur hlot­ist.

Í aðgerða­á­ætl­un­inni er verk­efnum og ábyrgð skipt með skýrum hætti á milli við­eig­andi deilda og ein­inga bank­ans. Banka­ráð og reglu­varsla bank­ans mun hafa eft­ir­lit með að áætl­unin kom­ist til fram­kvæmda. Lands­bank­inn mun ljúka inn­leið­ingu aðgerð­anna fyrir 1. júlí 2016.

Fjár­mála­eft­ir­litið hefur lokið athugun á sölu bank­ans á hlutnum í Borgun og mun fylgj­ast með inn­leið­ingu aðgerða­á­ætl­unar bank­ans. Þá óskaði  banka­ráð Lands­bank­ans eftir því að Rík­is­end­ur­skoðun gerði úttekt á sölu bank­ans á hlutum í Borg­un. Rík­is­end­ur­skoðun hefur nú svarað bank­anum og hyggst hún athuga  fyr­ir­komu­lag við sölu eigna bank­ans. Slík athugun mun styðja við ætlun bank­ans að læra af reynsl­unni og bæta stjórn­ar­hætti við sölu eigna.

Með því að styrkja stjórn­ar­hætti varð­andi sölu eigna vill bank­inn koma til móts við þá gagn­rýni sem komið hefur fram og stuðla að auknu trausti til bank­ans og starfs­manna hans. Lands­bank­inn er stað­ráð­inn í að efla orð­spor sitt og traust. Þær breyt­ingar sem fjallað er um hér að ofan eru mik­il­væg skref í þá átt.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Rannsóknir eru þegar hafnar á virkni og öryggi bóluefnis AstraZeneca fyrir börn og segir Jóhanna það mikið fagnaðarefni.
Ef börn verði ekki bólusett gæti faraldur brotist út á meðal þeirra
Þegar faraldur fær að ganga óáreittur um ákveðna næma hópa fara sjaldgæfir atburðir að eiga sér stað. „Sjaldgæfir alvarlegir atburðir sem við viljum ekki sjá,“ segir Jóhanna Jakobsdóttir líftölfræðingur.
Kjarninn 27. febrúar 2021
Samherji Holding hefur enn ekki skilað ársreikningi fyrir árið 2019
Hálfu ári eftir að lögboðinn frestur til að skila inn ársreikningum rann út þá hefur félagið sem heldur utan um erlenda starfsemi Samherja, meðal annars allt sem snýr að Namibíuumsvifum þess, ekki skilað inn sínum fyrir árið 2019.
Kjarninn 27. febrúar 2021
Langflest hagsmunagæslusamtök landsins, sem reyna að hafa áhrif á hvernig löggjöf og aðrar ákvarðanir innan stjórnmála og stjórnsýslu þróast, eru til heimilis í Hús atvinnulífsins við Borgartún 35.
Búið að skrá 27 hagsmunaverði og birta vefsvæði með upplýsingum um þá
Tilkynningum á hagsmunaverði sem reyna að hafa áhrif á stjórnmál og stjórnsýslu í starfi sínu, og áttu samkvæmt lögum að berast um áramót, hefur rignt inn síðustu daga eftir að forsætisráðuneytið sendi ítrekun.
Kjarninn 27. febrúar 2021
Ásthildur Lóa Þórsdóttir, formaður Hagsmunasamtaka heimilanna, er ein þeirra sem skráð voru sem hagsmunaverðir á vegum samtakanna.
Hagsmunasamtök heimilanna þau einu sem hafa tilkynnt hagsmunaverði
Ekkert stóru hagsmunasamtakanna í landinu hefur tilkynnt starfsmenn sína sem vinna við að hafa áhrif á ákvarðanir stjórnvalda sem hagsmunaverði, þrátt fyrir að lög sem krefjist þess hafi tekið gildi fyrir tveimur mánuðum.
Kjarninn 26. febrúar 2021
Þorsteinn Vilhjálmsson
Sprautur, siður og réttur
Kjarninn 26. febrúar 2021
Símon Sigvaldason
Dómsmálaráðherra gerir tillögu um að skipa Símon Sigvaldason í Landsrétt
Áslaug Arna Sigurbjörnsdóttir vill að Símon Sigvaldason verði skipaður í eina lausa stöðu við Landsrétt. Það þýðir að Jón Finnbjörnsson, sem er í leyfi og sótti um endurskipun, fær hana ekki.
Kjarninn 26. febrúar 2021
Magnús Ragnarsson framkvæmdastjóri hjá Símanum.
Býst við að Viaplay hækki verðið þegar íþróttapakkinn stækkar
Magnús Ragnarsson framkvæmdastjóri hjá Símanum býst við því að Viaplay hækki verðið á áskriftum sínum þegar íþróttapakkinn þeirra stækkar. „Annað væri bara skaðleg undirverðlagning,“ sagði Magnús í nýjum þætti af Tæknivarpinu.
Kjarninn 26. febrúar 2021
Sambærilegum smáhýsum hefur þegar verið komið upp í Gufunesi.
Smáhýsi fyrir heimilislausa í Laugardalnum þokast nær
Áform um smáhýsi fyrir heimilislausa á borgarlandi milli Suðurlandsbrautar og Fjölskyldu- og húsdýragarðsins hafa verið samþykkt í skipulags- og samgönguráði. Íþróttafélög, fasteignafélagið Reitir og fleiri lögðust gegn þessari staðsetningu smáhýsanna.
Kjarninn 26. febrúar 2021
Meira úr sama flokkiInnlent
None