Sig­mundur Dav­íð G­unn­laugs­son for­sæt­is­ráð­herra hefur ekki viljað biðj­ast afsök­unar á þeim ­upp­lýs­ingum sem komið hafa fram vegna eignar hans og eig­in­konu hans á félag­i ­skráð til heim­ilis á aflandseyj­unni Tortóla, sem til­heyrir Bresku Jóm­frú­areyj­un­um. „Hvorki ég né konan mín höfum átt eignir í skatta­skjóli,“ sagð­i hann í svari við fyr­ir­spurn Katrínar Jak­obs­dótt­ur, for­manns Vinstri grænna, á Al­þingi í dag. 

Sig­mundur Davíð hefur ítrekað end­ur­tekið fyrri mál­flutn­ing um að allir skattar hafi verið greiddir vegna félags­ins og að félagið sé í eig­u eig­in­konu hans. Þess vegna hafi honum ekki borið að skrá það í hags­muna­skrán­ingu þing­manna. Eig­in­kona hans hafi aldrei leynt þeim eignum sem eru inni í aflands­fé­lag­inu Wintris og aldrei hagn­ast á því að geyma eign­irnar þar. 

Sig­mundur Davíð hef­ur ekki svarað spurn­ingum um afsögn eða afsök­un­ar­beiðni með beinum hætti það sem af er fyr­ir­spurn­ar­tíma Alþing­is, þrátt fyrir að slíkar spurn­ingar hafi ver­ið marg­ít­rekað verið lagðar fram af þing­mönnum stjórn­ar­and­stöð­unn­ar. Hann hef­ur heldur ekki svarað spurn­ingum um hvort hann trúi því virki­lega að svör hans séu þess eðlis að þau bæti þann skaða sem orðið hafi vegna alþjóð­legrar umfjöll­un­ar­ um mál­efni hans.

Sig­mundur Davíð seg­ir að hann hafi ekki reynt að skýla sér á bak­við konu sína í þessu máli. Eftir á að hyggja hafi hins vegar verið óhjá­kvæmi­legt að ræða fjár­mál hennar fyrr, þótt að hann hafi haft það sem meg­in­stef að ræða ekki hennar mál­efni opin­ber­lega og í tengslum við stjórn­mála­þát­töku hans. Hann hefur ítrekað neitað því að Tortóla sé skatta­skjól. Skil­grein­ing á slíku sé hvort að við­kom­andi land sé nýtt til að ­fela eignir og kom­ast undan skatt­greiðsl­um. Það hafi hann aldrei gert.

Á lista fjár­mála- og efna­hags­ráðu­neyt­is­ins er að finna lista yfir þau lönd og svæði sem teljast lág­skatta­svæði. Til þess að kom­ast á þann lista þarftekju­skatt­ur af hagn­aði félags, sjóðs eða stofn­un­ar, sem um ræð­ir, að vera lægri en tveir ­þriðju hlutar af þeim tekju­skatti sem hefði verið lagður á félag­ið, sjóð­inn eða ­stofn­un­ina hefði hún verið heim­il­is­föst á Íslandi.