Ólafur Ólafs­son, aðal­eig­andi Sam­skipa, segir að upp­lýs­ingar um félög í hans eigu séu opin­ber gögn, þar á meðal félög sem fjallað er um í Morg­un­blað­inu í dag. Ólaf­ur, sem nú afplánar fang­els­is­dóm vegna Al Thani máls­ins, sendi frá sér yfir­lýs­ingu vegna umfjöll­unar Morg­un­blaðs­ins í dag. 

Í Morg­un­blað­inu kemur fram að Ólafur var með tæpa fjóra millj­arða króna í eigna­stýr­ingu í Lúx­em­borg í gegnum félagið KIMI S.a.r.l. árið 2013. Félagið hefur fjár­fest í hol­lensku félagi og tveimur spænskum fyr­ir­tækjum í sjáv­ar­út­vegi á und­an­förnum árum. Í árs­reikn­ingum Kima kemur fram að félagið hafi keypt íslenskar krónur „á hag­stæðu gengi“ í gegnum fjár­fest­inga­leið Seðla­bank­ans. 

„Árið 2013 lagði KIMI 350 þús­und evrur til fjár­fest­ingar á Íslandi. Megin þorri þeirra fjár­muna fóru til upp­bygg­ingar á eld­húsi og stækk­unar Land­náms­set­urs­ins í Borg­ar­nesi sem við höfum stutt við frá upp­hafi. Það var liður í að styðja við fjöl­breytt menn­ing­ar­líf í Borg­ar­nesi og stuðla að upp­bygg­ingu í sam­fé­lag­in­u,“ segir Ólafur í yfir­lýs­ing­unn­i. 

Þar seg­ist hann einnig hafa verið búsettur erlendis frá árinu 2005, fyrst í Englandi en svo í Sviss frá 2009. Langstærstur hluti starf­semi hans sé erlend­is. „Ég kem að rekstri fjölda fyr­ir­tækja erlendis sem veita hátt í 2000 manns atvinnu. Þar má nefna nefna félögin KIMI SARL í Lúx­em­borg og Neptune Hold­ing BV í Hollandi sem fjallað er um í Morg­un­blað­inu í dag.

KIMI hefur meðal ann­ars staðið að hjálp­ar­starfi með upp­bygg­ingu á fisk­vinnslu og lönd­un­ar­stöðvum í Sierra Leone í Afr­íku en um er að ræða umfangs­mesta og metn­að­ar­fyllsta þró­un­ar­starf í sjáv­ar­út­vegi í land­inu. Verk­efnið er unnið í sam­starfi við Aur­ora vel­gjörð­ar­sjóð sem konan mín og ég höfum starf­rækt frá árinu 2007,“ skrifar Ólaf­ur. 

Í gegnum félagið Neptune Hold­ing hafi hann fjár­fest í sjáv­ar­út­vegi utan Íslands. „Nefna má fyr­ir­tækið Asia Seafood, sem er með móð­ur­fé­lag á Íslandi og kaupir sjáv­ar­af­urðir af útgerðum við Kyrra­haf­ið, til vinnslu og sölu á mark­aði í Asíu og Banda­ríkj­un­um. Fyr­ir­tækið veltir árlega yfir 200 millj­ónum Banda­ríkja­dala (tæpum 29 millj­örðum króna). Neptune Hold­ing hefur einnig fjár­fest í Lumar Seafood á Spáni sem rekur sér­hæfða verk­smiðju sem fram­leiðir hágæða fisk­rétti og tún­fisk til sölu í Evr­ópu. Þá á Neptune einnig línu­veiði­skipið Ana Barral sem hefur stundað veiðar á Ind­lands­hafi.“