Hag­vöxtur í Banda­ríkj­unum var ein­ungis 0,5 pró­sent á fyrst­u ­þremum mán­uðum árs­ins, sem var langt undir spám flestra grein­enda. Flestar spár höfðu gert ráð fyrir 1,4 til tveggja pró­senta hag­vaxt­ar.

Á sama tíma í fyrra mæld­ist hag­vöxt­ur­inn 1,4 pró­sent.

Þetta eru miklar stærðir fyrir stærsta hag­kerfi heims­ins. ­Miklu mun­aði um að almenn neysla var minni en spár gerðu ráð fyrir en hún jókst um 1,9 pró­sent milli ára, en á sama tíma í fyrra var aukn­ingin 2,4 pró­sent.

Fjár­fest­ing fyr­ir­tækja féll niður um 5,9 pró­sent, sem er ­mesta fall fjár­fest­ingar milli ára frá árið 2009, þegar fjár­mála­mark­aðir geng­u í gegnum mikar hremm­ingar og kreppa var víða um heim.

Í umfjöllun Wall Street Journal og breska rík­is­út­varps­ins BBC kemur fram að fjár­fest­ing hjá stór­fyr­ir­tækjum í olíu­iðn­aði hafi falli sam­an­ nær alveg, eða um 86 pró­sent, og greini­legt að verð­hrun á olíu­verði, á síðust­u ­sextán mán­uðum er farið að hafa veru­leg áhrif á fjár­fest­ing­ar­á­kvarð­an­ir ­fyr­ir­tæki í olíu­iðn­aði.

Verðið á hrá­ol­íu­tunn­unni í Banda­ríkj­unum er nú í kringum 40 ­Banda­ríkja­dali en það fór hæst í 115 Banda­ríkja­dali fyrir um sextán mán­uð­um.

Þrátt fyrir að hag­vöxtur hafi verið umtals­vert minni en flestar spár gerðu ráð fyrir þá hélt atvinnu­leysi áfram að minn­ka, og er nú komið niður í 4,8 pró­sent. Það fór hæst upp undir 10 pró­sent árið 2010.