Bjarni Bene­dikts­son fjár­mála- og efna­hags­ráð­herra mælti nú síð­degis fyrir frum­varpi á Alþingi sem markar næstu skref við losun fjár­magns­hafta á Íslandi, að því er segir í til­kynn­ingu frá fjár­mála- og efna­hags­ráðu­neyt­inu. „Frum­varpið er liður í heild­stæðri aðgerða­á­ætlun um losun fjár­magns­hafta sem stjórn­völd kynntu í júní á síð­asta ári. Fyrsta skrefið í þeirri áætlun var að leysa þann vanda sem slitabú fall­inna fjár­mála­fyr­ir­tækja höfðu skapað og hefur sá þáttur verið til lykta leiddur að fullu,“ segir enn frem­ur.

Frum­varpið er umfangs­mikið, enda marg­vís­leg flókin álita­mál sem taka þarf til­lit til. Sam­tals er það á 42 síð­u­m. 

Aflandskrónu­eign­ir, sem mynda það sem oft er nefnt hengja aflandskróna, eru nú yfir 300 millj­arðar króna og er „lík­legt talið að eig­endur þeirra kysu að umbreyta þeim í gjald­eyri ef slíkt væri heim­ilt“ eins og segir í til­kynn­ingu stjórn­valda. 

Það gæti haft nei­kvæð áhrif á greiðslu­jöfnuð og fjár­mála­legan stöð­ug­leika lands­ins. Dæmi um slíkar eignir eru inn­stæð­ur, fjár­munir á fjár­vörslu­reikn­ingi, skulda­bréf og víxl­ar. Aflandskrónu­r­eignir verða áfram háðar sér­stökum tak­mörk­unum en meg­in­til­gangur frum­varps­ins er að aðgreina aflandskrónu­eignir nánar en nú er gert  og með tryggi­legum hætti, þannig að stöð­ug­leiki hag­kerf­is­ins vernd­ist eins og best verður kosið við fram­kvæmd útboðs­ins.

Verði frum­varpið að lögum er áformað að Seðla­banki Íslands haldi gjald­eyr­is­út­boð í næsta mán­uði þar sem öllum aflandskrónu­eig­endum verður gef­inn kostur á að skipta aflandskrónu­eignum sínum í evr­ur.

Þær aflandskrónu­eignir sem ekki verða nýttar í útboði Seðla­bank­ans munu sæta þeim tak­mörk­unum sem boð­aðar eru í frum­varp­inu.

Í tæp átta ár hafa fjár­magns­höftin tak­markað áhættu­dreif­ingu í eigna­söfnum inn­lendra aðila og heft mögu­leika fyr­ir­tækja til að nýta sam­starfs­verk­efni við erlenda aðila og ávöxt­un­ar­tæki­færi erlend­is. Efna­hags­legt óhag­ræði sem af þessu hlýst fer vax­andi með tím­an­um.

Þessi liður í áætlun stjórn­valda um losun fjár­magns­hafta leggur grunn­inn að næstu skrefum í átt til los­unar gjald­eyr­is­hafta og munu þau snúa „að heim­ilum og fyr­ir­tækjum á Íslandi“ segir í til­kynn­ing­unni.