Þóknun Virð­ingar hf. fyrir að selja Leigu­fé­lagið Klett fyr­ir­ ­Í­búða­lána­sjóð verður 48,5 millj­ónir króna þegar gengið verður að fullu frá­ ­söl­unni. Þetta kemur fram í svari sjóðs­ins við fyr­ir­spurn Kjarn­ans um mál­ið. Þar segir að fyr­ir­tækið hafi átt hag­stæð­asta til­boðið í að sjá um söl­una sem hljóð­aði upp á að fá 0,48 pró­sent af heild­sölu­virði Kletts. Íbúða­lána­sjóður er að öllu leyti í eigu íslenska rík­is­ins og það er í ábyrgðum fyrir skuldum hans.

Til­kynnt var um að Leigu­fé­lagið Klett­ur, sem heldur utan um 450 leigu­í­búðir sem komnar voru í eigu Íbúða­lána­sjóðs, verði selt til Almenna ­leigu­fé­lags­ins, sem rekið er af GAMMA, á 10,1 millj­örðum krón­ur. Gengið verð­ur­ end­an­lega frá kaup­samn­ingi á allra næstu dög­um. Eftir kaupin mun Almenna ­leigu­fé­lagið eiga um eitt þús­und leigu­í­búð­ir. Félagið bauð hæst þeirra sem í buðu og mun­aði 901 milljón krónum á til­boði þess og því sem lægst var.

Áttu hag­stæð­asta til­boðið

Í svari Íbúða­lána­sjóðs segir að þegar ákvörðun um söl­una á Leigu­fé­lag­inu Kletti hafi verið tekin var ákveðið að fela fjár­mála­fyr­ir­tæki að ­sjá um hana. „Meiri­hluti stjórnar lagði áherslu á að stað­ið yrði fag­lega og heið­ar­lega að utan­um­haldi og fram­kvæmd söl­unnar þar sem horft yrði til þess að hámarka virði eigna sjóðs­ins.

Óskað var eftir til­boð­u­m frá sex fjár­mála­fyr­ir­tækjum og bár­ust fimm til­boð innan til­skil­ins frests. Hæsta til­boðið sem barst var upp á 0,84% af heild­ar­sölu­virði. Virð­ing hf. átt­i hag­stæð­asta til­boðið upp á 0,48% af heild­ar­sölu­virði og var samið við Virð­ing­u í kjöl­far­ið. Þóknun Virð­ingar hf. fyrir umsjón með sölu­ferli Leigu­fé­lags­ins ­Kletts ehf. er að fullu árang­urstengd og verður 48.484.800 kr. þegar geng­ið hefur verið frá söl­unn­i.“