Lilja D. Alfreðs­dótt­ir, sem verið hefur utan­rík­is­ráð­herra frá því í apr­íl, ætlar að sækj­ast eftir því að leiða lista Fram­sókn­ar­flokks­ins í Reykja­vík­ur­kjör­dæmi suður í kosn­ing­unum í haust. Nokkuð ljóst var í hvað stefndi þegar Karl Garð­ars­son til­kynnti í gær að hann ætl­aði sér að sækj­ast eftir odd­vita­sæti í Reykja­vík­ur­kjör­dæmi norð­ur, en hann var í öðru sæti á lista flokks­ins í Reykja­vík­ur­kjör­dæmi suður í síð­ustu kosn­ing­um. Kjarn­inn spáði m.a. þess­ari nið­ur­stöðu í morg­un­pósti sínum í morg­un. 

Sú sem leiddi flokk­inn þar í kosn­ing­unum í apríl 2013, Vig­dís Hauks­dótt­ir, hefur ákveðið að gefa ekki kost á sér í kom­andi kosn­ing­um. Kosið verður á milli þeirra sem gefa kost á sér í fyrstu sætin á tvö­földu kjör­dæm­is­þingi Fram­sókn­ar­flokks­ins í Reykja­vík 27. ágúst.

Lilja, sem hefur verið utan­þings­ráð­herra frá því í apr­íl, greinir frá ákvörðun sinni í Frétta­blað­inu í dag en seg­ist þar ekki ætla að bjóða sig fram gegn Sig­mundi Davíð Gunn­laugs­syni, sitj­andi for­manni flokks­ins ef haldið verður flokks­þing í aðdrag­anda kosn­inga. Leið­togar rík­is­stjórn­ar­inn­ar, Sig­urður Ingi Jóhanns­son og Bjarni Bene­dikts­son, fund­uðu með leið­togum stjórn­ar­and­stöðu­flokk­anna í gær og til­kynntu þeim að kosið yrði 29. októ­ber að óbreytt­u. 

Próf­kjöri Pírata á Suð­ur­landi lauk í gær­kvöldi. Nið­ur­stöður þess voru þær að Smári McCarthy mun leiða list­ann, en hann sótt­ist eftir því. Smári hefur verið virkur í starfi Pírata frá því að flokk­ur­inn var stofn­aður og leiddi lista flokks­ins í kjör­dæm­inu í þing­kosn­ing­unum 2013 en náði ekki kjöri. Í öðru sæti á lista Pírata í kjör­dæm­inu verður Oktavía Hrund Jóns­dótt­ir, í þriðja sæti verður Þórólfur Júl­ían Dags­son og í því fjórða Álf­heiður Eymars­dótt­ir. 113 manns kusu í próf­kjör­inu.

Próf­kjöri Pírata í Reykja­vík­ur­kjör­dæm­unum og í Suð­vest­ur­kjör­dæmi lýkur síðar í dag.