Íslenska hug­bún­að­ar­fyr­ir­tækið Meniga lauk á fyrri helm­ing árs­ins fjár­mögn­un að fjár­hæð 7,3 millj­ónum evra, eða sem nemur um einum millj­arði króna. Fjár­mögn­unin fór fram með aukn­ingu hluta­fjár frá núver­and­i fjár­festum undir for­ystu Frum­taks og hol­lenska fjár­fest­inga­fé­lags­ins Velocity Capi­tal sem og láns­fé, að því er segir í til­kynn­ingu.

Bene­dikt Orri Ein­ars­son, fjár­mála­stjóri Meniga (á með­fylgj­andi mynd), segir í frétta­til­kynn­ingu að grunn­rekst­ur­inn styrk­ist við fjár­mögn­un­ina. „Meniga hefur vaxið ört frá stofnun fyr­ir­tæk­is­ins árið 2009 en starfs­menn Meniga eru nú um 100 tals­ins. Flestir starfa á Íslandi en fyr­ir­tækið er einnig með skrif­stofur í London og Stokk­hólmi. Fjár­mögn­unin gefur Meniga tæki­færi til að halda áfram þróun á hug­bún­aði í tengslum við neyslu­tengd til­boð ásamt því að styrkja grunn­rekstur félags­ins og áfram­hald­andi sókn á erlenda mark­að­i.“ 

Willem Willem­stein eig­andi og fram­kvæmda­stjóri Velocity Capi­tal hefur tekið sæti í stjórn Meniga í kjöl­farið af fjár­mögn­un­inni.

Meniga er leið­andi á heims­vísu í þró­un heim­il­is­fjár­mála­lausna fyrir banka og fjár­mála­stofn­anir sem not­aðar eru í næst­u kyn­slóð net­banka til að bæta þjón­ustu við við­skipta­vini. Með­al­ við­skipta­vina Meniga eru nokkrir stærstu banka heims en þeirra á meðal eru Sant­and­er, mBank, Intesa San­pa­olo og ING Direct. Þannig drífa hug­bún­að­ar­lausnir ­Meniga áfram net­banka í um 20 löndum með yfir 35 millj­ónir virka not­end­ur.

Fjár­mögn­un­inni er ætlað að efla enn frekar sókn fyr­ir­tæk­is­ins á erlenda ­mark­aði en auk áherslu á heim­il­is­fjár­mála­hug­búnað hefur Meniga meðal ann­ar­s ­þróað neyslu­tengt til­boðs­kerfi (e. Card Lin­ked Offer­s). 

„Til­boðs­kerf­inu er ætl­að að hjálpa ein­stak­lingum og fjöl­skyldum að spara með sér­sniðnum til­boðum ásam­t því að hjálpa fyr­ir­tækjum að nýta betur mark­aðsfé sitt með því að ná til réttra við­skipta­vina,“ segir í til­kynn­ing­unn­i. 

Íslenskum not­endum Meniga stendur til boða að nýta sér slík­ til­boð, sem ganga undir nafn­inu Kjör­dæmi á Íslandi, og aðrar lausnir Meniga gjald­frjálst á vef fyr­ir­tæk­is­ins www.­meniga.is eða í Meniga app­inu fyrir iPhone and Android síma.

Um Meniga: Meniga er íslenskt hug­bún­að­ar­fyr­ir­tæki sem hef­ur ­starfs­stöðvar í Reykja­vík, London og Stokk­hólmi. Félagið var stofnað 2009 og er í dag mark­aðs­leið­andi á heims­vísu í þróun og sölu heim­il­is­fjár­mála­lausna fyr­ir­ ­banka og fjár­mála­fyr­ir­tæki. Lausnir félags­ins eru nú aðgengi­legar yfir 35 millj­ónum not­endum í um 20 lönd­um. Meniga hefur hlotið ýmis alþjóð­leg verð­laun ­fyrir nýsköpun og til að mynda bestu tækni­lausn­ina árin 2011, 2013 og 2015 á F­inovate Europe, sem er ein þekktasta og virtasta ráð­stefnan um tækninýj­ungar í banka- og fjár­mála­þjón­ustu. Frek­ari upp­lýs­ingar má finna á www.­meniga.is og www.­meniga.com.

Um Frum­tak: Frum­tak er sam­lags­sjóður í eigu Nýsköp­un­ar­sjóðs atvinnu­lífs­ins, sex af stærstu líf­eyr­is­sjóðum lands­ins og þriggja banka. Frum­tak fjár­festir í ný­sköp­un­ar-­fyr­ir­tækjum sem þykja væn­leg til vaxtar og útrás­ar.  Mark­mið Frum­taks er að byggja upp öflug fyr­ir­tæki sem geta verið leið­andi á sínu svið­i og um leið skilað góðri ávöxtun til fjár­festa. Frek­ari upp­lýs­ingar má finna á www.frum­tak.is.

Um Velocity Captital: Velocity Capi­tal er hol­lenskur fjár­fest­inga­sjóður sem sér­hæfir sig meðal ann­ars í fjár­fest­ingum í fyr­ir­tækjum sem fram­leiða fjár­mála­hug­bún­að. Sjóð­ur­inn er með fjár­fest­ingar í Evr­ópu, Asíu, Banda­ríkj­unum og Afr­íku