Tekjur vegna gesta sem heim­sóttu Hall­gríms­kirkju­turn í ár eru áætl­aðar 237 millj­ónir króna. Árið 2010 voru þær 27,2 millj­ónir króna og því hafa næstum nífald­ast á sex árum. Frá þessu er greint í Frétta­blað­inu í dag. 

Í dag kostar 900 krónur fyrir full­orðna og 100 krónur fyrir börn á aldr­inum 6-16 ára að fara upp í Hall­gríms­kirkju­turn. Lang­flestir þeirra sem heim­sækja turn­inn eru erlendir ferða­menn. Alls keyptu um 200 þús­und gestir sér ferð upp í turn­inn í fyrra sem gaf Hall­gríms­kirkju tekjur upp á 161 milljón króna. Í Frétta­blað­inu segir að áætlað sé að heim­sóknum gesta í turn­inn muni fjölga um 30 pró­sent á milli áranna 2015 og 2016. Því er búist við að gestir hans verði yfir 260 þús­und í árs­lok sem myndi þýða tekjur upp á 237 millj­ónir króna. Tekið er fram að heim­sókn­ar­tölur vegna gesta í turn­inn séu ekki alveg á hreinu og enn sé verið að fá reynslu á nýtt taln­ing­ar­tæki sem tekið var í notkun í byrjun árs. 

Allar tekjur af turn­ferð­un­um renna til Hall­gríms­kirkju og fara meðal ann­ars í að greiða fjögur hund­ruð millj­óna króna banka­lán sem hvílir á kirkj­unni vegna við­halds­fram­kvæmda á turn­inum sem voru 2008-2009. Þá þarfn­ast Hall­gríms­kirkja mik­ils við­halds og nú sé meðal ann­ars unnið að steypu­við­gerðum utan­húss upp á 60 millj­ónir króna. Þá stendur til að end­ur­nýja turn­lyft­una og kaupa nýjan tækni­búnað fyrir kirkju­klukk­ur. Jón­anna Björns­dótt­ir, fram­kvæmda­stjóri Hall­gríms­kirkju, segir við Frétta­blaðið að umræddar við­halds­fram­kvæmdir hefðu ekki verið mögu­legar ef ekki væri fyrir tekjur af turn­heim­sókn­um.