Íslands­banki hefur ráðið alþjóð­lega ráð­gjafa­fyr­ir­tækið Cor­estar Partners ásamt fyr­ir­tækja­ráð­gjöf bank­ans til ráð­gjafar í tengslum við mótun fram­tíð­ar­stefnu um eign­ar­hlut bank­ans í Borg­un. Cor­estar Partners sér­hæfir sig í fyr­ir­tækja­ráð­gjöf á sviði greiðslu­þjón­ustu og er með starfs­stöðvar í Sviss og Þýska­landi. Þetta kemur fram í til­kynn­ingu frá bank­an­um. „Mögu­leg nið­ur­staða ráð­gjaf­ar­vinn­unnar er að bank­inn selji eign­ar­hlut sinn í félag­inu og færi slík sala þá fram í opnu og gagn­sæju sölu­ferli,“ segir í til­kynn­ing­unni, en Íslands­banki er 100 pró­sent í eigu íslenska rík­is­ins.

Íslands­banki á 63,5% hlut í Borgun og er félagið flokkað sem dótt­ur­fé­lag bank­ans. Hreinar rekstr­ar­tekjur Borg­unar voru um 4,7 milj­arðar króna á árinu 2015 og hagn­aður um 1,5 millj­arður króna. Sam­svarar það um 10 pró­sent af rekstr­ar­tekjum bank­ans og rúm­lega 7% hagn­aðar á því tíma­bili.

Óhætt er að segja að við­skipti með eign­ar­hluti í Borgun hafi dregið dilk á eftir sér, en Lands­bank­inn hefur ákveðið að höfða mál vegna sölu bank­ans á 31,2 pró­sent hlut í Borgun í nóv­em­ber 2014. Kaup­endur voru hópur fjár­festa og stjórn­endur fyr­ir­tæk­is­ins. Kaup­verðið var 2,2 millj­arðar króna, en Lands­bank­inn telur að for­sendur við­skipt­anna, og þar með verðs­ins sem fékkst fyrir hlut­inn, hefðu átt að vera aðr­ar. Hlut­ur­inn var ekki aug­lýstur til sölu og fór við­skiptin því fram í lok­uðu sölu­ferli.