Bannað að rukka lántökugjöld sem hlutfall af lánsfjárhæð

íbúðir.jpg
Auglýsing

Í nýsam­þykktum lögum um fast­eigna­lán til neyt­enda, sem sam­þykkt voru 13. októ­ber síð­ast­lið­inn, er lán­veit­endum bannað að rukka lán­töku­gjald sem hlut­fall af láns­fjár­upp­hæð líkt og tíðkast hefur hingað til. Lán­töku­gjald þeirra sem taka íbúða­lán mun lækka umtals­vert við þessa breyt­ingu og neyt­endum því gert auð­veld­ara fyrir að færa sig á milli lán­veit­enda með íbúða­lán sín til að fá sem best kjör. Frum­varpið var lagt fram fyrir tæpu ári síðan og hefur síðan verið í vinnslu hjá Alþingi.  

Tveir bankar, Arion banki og Lands­bank­inn, hafa í þessum mán­uði til­kynnt um að lán­töku­gjald sem þeir rukka verði ekki lengur hlut­fall af láns­fjár­upp­hæð heldur föst krónu­tala. Lands­bank­inn, sem fram­kvæmdi sína breyt­ingu 6. októ­ber, sagði í sinni til­kynn­ingu að tilgang­ur­inn „með þessum breyt­ingum er að bæta kjör þeirra sem taka íbúða­lán hjá Lands­bank­an­um.“ Breyt­ing­ar­til­laga við frum­varp um lög um fast­eigna­lán sem í fólst að banna hlut­falls­leg lán­töku­gjöld var lögð fram eftir að Lands­bank­inn til­kynnti um breyt­ingar sín­ar. Arion banki til­kynnti um sína breyt­ingu tveimur dögum eftir að lögin voru sam­þykkt.

Báðir bank­arnir rukk­uðu áður eitt pró­sent af láns­fjár­hæð í lán­töku­gjald af þeim sem voru ekki við­skipta­vinir bank­ans, en 0,75 pró­sent af við­skipta­vinum sín­um. Efri mörkin þýddu að sá sem tók 30 millj­óna króna lán þurfti að greiða 300 þús­und krónur í lán­töku­gjald. Nú rukkar Lands­bank­inn fast 52.500 króna gjald óháð láns­fjár­hæð. Arion banki rukkar aðeins minna, eða 49.900 krón­ur, í lán­töku­gjald. Gjöldin eru ekki að öllu leyti sam­bæri­leg. Því er ljóst að breyt­ing­arnar hafa gert íslenskum neyt­endum mun auð­veld­ara fyrir að hreyfa sig á milli lána­stofn­anna og sparað þeim, í mörgum til­vik­um, hund­ruð þús­unda króna, í lán­töku­gjöld. 

Auglýsing

Íslands­banki hefur enn ekki til­kynnt um breyt­ingar á lán­töku­gjöldum sín­um, en þau eru í dag 0,75 pró­sent af láns­fjár­hæð. Það hefur Íbúða­lána­sjóður og líf­eyr­is­sjóðir lands­ins, sem einnig eru stórir íbúða­lán­veit­end­ur, heldur ekki gert. Það þurfa þeir raunar ekki að gera alveg strax því að lögin taka ekki gildi fyrr en 1. apríl 2017.

Sam­keppn­is­eft­ir­litið fagnar bann­inu

Sam­keppn­is­eft­ir­litið vekur athygli á hinum nýsam­þykktu lögum á heima­síðu sinni í dag. Þar segir að ákvæðið sem banni lán­veit­endum að rukka hlut­fall af láns­fjár­hæð í lán­töku­kostnað feli í sér „ígildi banns við því að lán­töku­gjöld séu lögð á sem hlut­fall af láns­fjár­hæð. Sam­keppn­is­eft­ir­litið fagnar þessu en í umsögn sinni, dags. 7. jan­úar 2016, til efna­hags- og við­skipta­nefndar Alþing­is, hvatti Sam­keppn­is­eft­ir­litið til þess að slíkt ákvæði yrði inn­leitt í frum­varp­ið.“

Í frétt eft­ir­lits­ins segir einnig að það hafi á liðnum árum lagt áherslu á það við stjórn­völd og fyr­ir­tæki á fjár­mála­mark­aði að gripið yrði til aðgerða til að draga úr sam­keppn­is­hindr­unum í fjár­mála­þjón­ustu. „Einn liður í þessu hefur verið að vinna gegn óþörfum skipti­kostn­aði sem gerir við­skipta­vinum erfitt um vik að skipta um þjón­ustu­að­ila. Með því er unnt að búa í hag­inn fyrir virk­ari sam­keppni, ekki síst í almennri við­skipta­banka­þjón­ustu og á íbúða­lána­mark­aði. Afnám lán­töku­gjalds sem hlut­falls af láns­fjár­hæð er mik­il­vægt skref í þessa átt.“

Frétt­inni var breytt klukkan 19:24 eftir ábend­ingu um að Lands­bank­inn hafi breytt sínum lán­töku­gjöldum áður en breyt­ing­ar­til­laga um bann við að rukka hlut­fall af láns­fjár­hæð í lán­töku­kostnað var lög fram.  

Meira úr sama flokkiInnlent
None