Tími ákvarðana í almenningssamgöngum er „svolítið núna“

Borgarlína er eitt af meginverkefnunum í borgarskipulaginu, segir borgarstjóri. Þessi stefnumörkun sparar bæði peninga og opnar fleiri samgöngutækifæri á höfuðborgarsvæðinu.

Dagur B. Eggertsson, borgarstjóri
Dagur B. Eggertsson, borgarstjóri
Auglýsing

Sveit­ar­fé­lögin á höf­uð­borg­ar­svæð­inu und­ir­rita vilja­yf­ir­lýs­ingu um að standa saman að fyrstu skrefum í upp­bygg­ingu borg­ar­línu í dag. Dagur B. Egg­erts­son, borg­ar­stjóri í Reykja­vík, segir verk­efnið geta leyst stærri hluta sam­göngu­þarfar höf­uð­borg­ar­svæð­is­ins til fram­tíð­ar. Íbúa­fjölda­spár gera ráð fyrir mik­illi fólks­fjölgun á svæð­inu á næstu árum og ára­tug­um.

„Þetta er eitt af meg­in­verk­efn­unum í borg­ar­skipu­lag­in­u,“ segir Dagur í sam­tali við Kjarn­ann. Hann flutti erindi á lofts­lags­mála­fundi í Ráð­húsi Reykja­víkur í morgun þar sem staða lofts­lags­verk­efna Reykja­vík­ur­borgar var kynnt. Almenn­ings­sam­göngur og þróun þeirra er stór þáttur í þeim mála­flokki enda er ætl­unin að hún komi sums staðar í stað einka­bíls­ins á höf­uð­borg­ar­svæð­inu.

„Við erum að leysa stærri hluta sam­göngu­þarfar­innar til fram­tíðar með öfl­ugri almenn­ings­sam­göng­um. Til þess erum við bæði að bæta Strætó en við þurfum líka afkasta­meiri hágæða almenn­ings­sam­göngur á stöðum þar sem margir búa,“ segir Dag­ur.

Auglýsing

Í nán­ustu fram­tíð er gert ráð fyrir að koma á fót hrað­vagna­kerfi á höf­uð­borg­ar­svæð­inu og byrja á að reisa tvær æðar um höf­uð­borg­ar­svæð­ið. Í fram­haldi af því verði hægt að huga að létt­lest­ar­kerfi innan borg­ar­markanna, sem er mun tíma­frekara verk­efni í fram­kvæmd.

Hrað­vagna­kerfi er í reynd næsta skref fyrir ofan stræt­is­vagna í borg­ar­skipu­lags­fræðum og almenn­ings­sam­göng­um. Hrað­vagn­arnir hafa alveg sér­stakar akreinar eða götur fyrir sig og mynda kjarna umferð­ar­æða. Utan við þennan kjarna leggj­ast svo götur fyrir almenna umferð og hjólandi eða gang­andi veg­far­end­ur. Sam­hliða stofnun hrað­vagna­kerfis verður stræt­is­vagna­kerfið eflt með því að vísa því dýpra inn í íbúða­hverfin og tengja þau við hrað­vagna­æð­ar.

Hraðvagnarnir hafa alveg sérstakar akreinar eða götur fyrir sig og mynda kjarna umferðaræða. Utan við þennan kjarna leggjast svo götur fyrir almenna umferð og hjólandi eða gangandi vegfarendur.

„Við erum að vinna að því núna að velja leið­irnar og skil­greina fyrstu áfang­ana. Maður getur ímyndað sér að til langrar fram­tíðar þá beri höf­uð­borg­ar­svæðið um það bil 40 kíló­metra af hágæða almenn­ings­sam­göngum en [núna] við erum kannski að tala um fyrstu 10 til 20 kíló­metrana; kannski tvær meg­in­leið­ir, ein frá norðri til suður og önnur frá austri til vest­ur­s,“ segir Dag­ur.

„Við erum að ná saman í dag yfir­lýs­ingu sveit­ar­fé­lag­anna um að fara saman í þetta og setj­ast niður með rík­inu – inn­an­rík­is­ráðu­neyti, fjár­mála­ráðu­neyti og Vega­gerð­inni – til að tryggja aðkomu þess og nauð­syn­legar laga­breyt­ing­ar.“

36 mán­uði að setja upp hrað­vagna­kerfi

Spurður hvenær gert er ráð fyrir að fyrstu kíló­metr­arnir verði lagðir í hrað­vagna­kerfi á höf­uð­borg­ar­svæð­inu segir Dagur að tím­inn til ákvarð­ana sé „svo­lítið nún­a“. „Við viljum gera það sem allra fyrst. Vegna þess að við sjáum það bæði á aukn­ingu í umferð og þeirri upp­bygg­ingu sem er framundan að við þurfum að mæta henni með nýrri hugsun í sam­göng­um. Þær þjóðir sem hafa farið hrað­ast í þetta hafa náð að setja upp hrað­vagna­kerfi á 36 mán­uðum frá því að ákvörð­unin er tek­in. Ef að við myndum ákveða að fara í létt­lest­ar­lausnir þá er það miklu lengri tím­i.“

„Hugs­an­lega förum við fyrst í hrað­vagna – gerum það eins hratt og hægt er – en lokum ekki á fram­tíð­ar­mögu­leik­ann á létt­lest­ar­kerf­inu. Þannig að tími ákvarð­ana er svo­lítið núna. Ég bind vonir við að það ger­ist margt í þessu á þessum vetri og næsta ár,“ sagði Dagur B. Egg­erts­son, borg­ar­stjóri.

Magnús Halldórsson
Sjálfsögð íbúakosning
Kjarninn 16. desember 2018
Karolina Fund: Solar Plexus Pressure Belt™
Solar Plexus Pressure Belt er kvíðastillandi tæknibúnaður hannaður af myndlistarmanninum Sæmundi Þór Helgasyni í samstarfi við tískuhönnuðinn Agötu Mickiewicz.
Kjarninn 16. desember 2018
Sigmundur Davíð gefur í skyn að vinstrimenn á upptöku hefðu fengið öðruvísi meðhöndlun
Formaður Miðflokksins hefur birt pistil á heimasíðu sinni þar sem hann setur Klausturmálið upp í tvær ímyndaðar atburðarrásir þar sem uppteknir þingmenn séu úr Vinstri grænum og Samfylkingu.
Kjarninn 16. desember 2018
Bæta þarf við rannsóknir á heilsufarsáhrifum loftslagsbreytinga á Íslandi
Umfjöllun um möguleg áhrif loftslagsbreytinga á heilsufar hefur ekki haft mikið vægi í heilbrigðisrannsóknum á Íslandi og þarf verulega að bæta við rannsóknir um þetta efni á næstu árum, samkvæmt sérfræðingi.
Kjarninn 16. desember 2018
Fámenn en afkastamikil
Langstærstur hluti íslenskra fyrirtækja er með færri en 10 starfsmenn eða um 94 prósent þeirra. Landsframleiðsla á mann á Íslandi var 30 prósent yfir meðaltali ríkja Evrópusambandsins árið 2017. Landsframleiðsla á mann er sú fimmta mesta í Evrópu.
Kjarninn 16. desember 2018
Stóri lottó - ekki - vinningurinn
Hvað gerir sá sem telur sig hafa hlotið stóran vinning í lottó, en getur ekki sýnt miðann? Jú, hann berst fyrir að sanna mál sitt. Það er einmitt það sem danskur maður hefur gert, en hann taldi sig fá ,,þann stóra“ fyrir 16 árum.
Kjarninn 16. desember 2018
Blikur á lofti í ferðaþjónustu - Fækkar ferðamönnum um nokkur hundruð þúsund?
Vandi WOW air hefur ekki verið leystur enn, en hvort sem fjármagn frá Indigo Partners mun bjarga rekstrinum eða ekki, þá hefur boðaður niðurskurður mikil áhrif á ferðaþjónustuna.
Kjarninn 15. desember 2018
Björn Leví Gunnarsson, þingmaður Pírata.
Vilja að stöður sendiherra séu auglýstar
Tíu þingmenn vilja fella í burtu ákvæði í lögum sem heimilar undanþágu um að skylt sé að auglýsa laus störf hjá ríkinu þegar um skipun í störf ráðuneytisstjóra og sendiherra í utanríkisþjónustunni er að ræða.
Kjarninn 15. desember 2018
Meira úr sama flokkiInnlent
None