Íbúðaverð á höfuðborgarsvæðinu hækkaði um 15%

_abh2215_9954187243_o.jpg Höfðatorg byggingar framkvæmdir
Auglýsing

Íbúða­verð á höf­uð­borg­ar­svæð­inu hækk­aði um 15 pró­sent á árinu 2016, sam­kvæmt nýjum tölum um vísi­tölu íbúða­verðs, sem Þjóð­skrá tekur saman mán­að­ar­lega. 

Vísi­talan hækk­aði um 1,5 pró­sent milli nóv­em­ber og des­em­ber í fyrra, en það eru nýj­ustu töl­urn­ar. Síð­ast­liðna þrjá mán­uði hækk­aði vísi­talan um 4,9 pró­sent, á síð­asta hálfa árinu hefur hún hækkað um 8,5 pró­sent og síð­ast­liðna tólf mán­uði hefur hækk­unin verið 15 pró­sent. 

Fjallað er um þetta í hag­sjá Lands­bank­ans og þar kemur fram að hækk­an­irnar síð­ustu tólf mán­uði eru mjög miklar og þarf að fara aftur til árs­ins 2007 til að sjá álíka töl­ur. 

Auglýsing

Vegna þess að verð­bólga hefur verið lág og stöðug síð­ustu miss­eri hefur raun­verð fast­eigna hækkað mun meira en ann­ars væri, og raun­verð hefur hækkað meira en nafn­verð. Raun­verð fast­eigna hækk­aði um 11,2 pró­sent milli áranna 2015 og 2016, en nafn­verðið um 11%. 

Við­skipti með fast­eignir héldu áfram að aukast á síð­asta ári, en þó var hún miklu minni í fyrra en árið áður, 8,3% miðað við 17,5% árið 2015. Hækkun fast­eigna­verð hefur verið nán­ast stöðug frá árinu 2010, jafn­ari en oft áður. Hækk­un­ar­fer­il­inn á fast­eignum á höf­uð­borg­ar­svæð­inu er orð­inn lengri en oft áður, og það sama gildir um stærri sveit­ar­fé­lög ann­ars staðar á land­inu. „Það er ljóst að fram­boð hús­næð­is, einkum fjöl­býl­is, hefur í langan tíma verið minna en mark­að­ur­inn getur tekið við og er það mik­il­væg ástæða mik­illa verð­hækk­ana. Nú hillir undir að nýjum íbúðum fjölgi á næstu miss­er­um. Verð nýrra íbúða er vænt­an­lega hærra nú en gengur og ger­ist um eldri íbúðir og verður svo eitt­hvað áfram,“ segir í hag­sjánn­i. 

Hins vegar hafi bygg­ing­ar­kostn­aður hækkað mun minna á síð­ustu árum en íbúða­verð og því ætti að skap­ast svig­rúm til að nýjar íbúðir dragi íbúða­verðið niður á við. 

Hús­næð­is­mark­að­ur­inn að þorna upp

Líkt og Kjarn­inn greindi frá í gær er fram­boð hús­næðis að þorna upp. Á fundi sem hag­­deild Íbúða­lána­­sjóðs hélt í síð­­­ustu viku var meðal ann­­ars fjallað um þörf­ina fyrir nýtt hús­næð­i. Þar sagði Sig­­urður Jón Björns­­son, fram­­kvæmda­­stjóri fjár­­­stýr­ingar Íbúða­lána­­sjóðs, að það væru skýr merki um að fram­­boð eigna á hús­næð­is­­mark­aði væru við það að þorna upp. Eignir selj­ist nú oft á sýn­ing­­ar­degi sem sé óeðli­­legt ástand. Sig­­urður sagði enn fremur að miðað við fjölda íbúða í land­inu, og að níu til tíu pró­­sent þeirra skipti um hendur á ári og fjög­­urra mán­aða velt­u­hraða, þá ættu þrjú þús­und íbúðir að vera til sölu í dag. Talan sé hins vegar nær eitt þús­und. Þetta geti verið merki um ofhitun og Sig­­urður sagði að almenn­ingur ætti að stíga var­­lega til jarð­­ar.

Isavia mátti kyrrsetja vél ALC úr flota WOW air
Landsréttur staðfesti þá niðurstöðu úr héraði, að Isavia hafi verið í fullum rétti að kyrrsetja vél úr flota WOW air.
Kjarninn 24. maí 2019
Magnús Halldórsson
Aðkallandi að hagræða í bankakerfinu
Kjarninn 24. maí 2019
Helga Dögg Sverrisdóttir
Nemendur hafa áskað grunnskólakennara með slæmum afleiðingum
Kjarninn 24. maí 2019
Skýrsla um neyðarlánið kemur á mánudag klukkan 16
Skýrsla um afdrif neyðarláns Seðlabanka Íslands til Kaupþings, og hvernig unnið var úr veðinu sem tekið var vegna lánsins, verður birt á mánudaginn klukkan 16.
Kjarninn 24. maí 2019
Bann við notkun svartolíu innan íslenskrar landhelgi
Umhverfis- og auðlindaráðuneytið óskar eftir umsögnum um drög að reglugerðarbreytingu sem bannar notkun svartolíu innan íslenskrar landhelgi.
Kjarninn 24. maí 2019
Pottersen
Pottersen
Pottersen 16. þáttur: Harry fer í bað
Kjarninn 24. maí 2019
Skattakóngar eða -drottningar verða ekki opinberaðar af skattinum
Ríkisskattstjóri mun ekki senda út upplýsingar til fjölmiðla um þá 40 einstaklinga sem greiða hæstu skattana, líkt og hann hefur gert árum saman. Ástæðan er ákvörðun Persónuverndar í máli gegn Tekjur.is.
Kjarninn 24. maí 2019
Tæknivarpið
Tæknivarpið
Tæknivarpið – Huawei missir Android og ARM leyfi, nýjar Macbook Pro tölvur komnar á markað og Game of Thrones Galaxy Fold á leiðinni
Kjarninn 24. maí 2019
Meira úr sama flokkiInnlent
None