Birgitta Jóns­dótt­ir, þing­maður Pírata, vill að nýfram­lagt áfeng­is­frum­varp verði sett í þjóð­ar­at­kvæða­greiðslu sam­hliða sveit­ar­stjórn­ar­kosn­ing­unum á næsta ári. Henni finnst að umræðan eigi frekar að bein­ast að lausnum á öðrum málum en að takast um afvega­leið­ingu frá þeim sem sé „frum­varp Sjálf­stæð­is­flokks­ins um bús í búð­ir“ . Þetta kemur fram í stöðu­upp­færslu Birgittu á Face­book.

Þrír þing­manna Pírata eru á meðal þeirra níu þing­manna úr fjórum flokkum sem hafa lagt fram áfeng­is­frum­varp­ið. Þau eru  Jón Þór Ólafs­­­son, Ásta Guð­rún Helga­dóttir og Viktor Orri Val­­­garðs­­­son. Með þeim eru alls sex þing­menn úr Sjálf­stæð­is­flokki, Bjartri fram­tíð og Við­reisn. 

Frum­varpið var lagt fram í gær. Verði það að lögum verður einka­­leyfi ÁTVR á áfeng­is­­sölu afnumið frá og með næstu ára­­mót­u­m, sala á því heim­iluð í sér­­­versl­un­um, í sér­­­­­rýmum innan versl­anna eða yfir búð­­­ar­­­borð, áfeng­is­aug­lýs­ingar inn­­­lendra aðila heim­il­aðar og leyf­i­­legt verður að aug­lýsa það í inn­­­lendum fjöl­mið­l­u­m. 

Ásmundur Frið­­riks­­son, þing­­maður Sjálf­­stæð­is­­flokks­ins, hefur þegar sagt að hann muni greiða atkvæði á móti nýju áfeng­is­frum­varpi og Einar Bynj­ólfs­son, þing­maður Pírata, ætlar mjög lík­lega að láta afstöðu land­læknis móta afstöðu sína gagn­vart frum­varp­in­u. Pawel Bar­toszek, þing­maður Við­reisnar og einn flutn­ings­manna frum­varps­ins, sagði í sam­tali við Kjarn­ann í gær að hann teldi nokkuð öruggan meiri­hluta á þing­inu fyrir mál­inu.

Birgitta leggur til að ein­hver skelli í und­ir­skrift­ar­lista til þing­manna um að skella mál­inu í þjóð­ar­at­kvæði. „Setjum áfeng­is­frum­varpið í þjóð­ar­at­kvæða­greiðslu sam­hliða sveit­ar­stjórn­ar­kosn­ingum og ein­beitum okkur að því að ræða lausnir á þeirri stað­reynd að fullt af fólki býr við enn þrengri kjör eftir breyt­ingar á lögum um almanna­trygg­ing­ar. Þeirri stað­reynd að lög um húsa­leigu­bætur hefur skert kjör fjölda lands­manna. Þeirri stað­reynd að við erum í bar­áttu um frek­ari einka­rekstur í heil­brigð­is­kerf­inu. Fullt af börnum fara svöng að sofa. Fullt af fólki hefur ekki efni á að leysa út lyfin sín. Það líður ekki sá dagur sem ég hugsa ekki um það en alltaf skal það vera fyrsta afvega­leið­ingin að ræða enda­laust um sama frum­varp sjálf­stæðs­flokks­ins um bús í búð­ir. Ég legg til að ein­hver skelli í und­ir­skrift­ar­lista til þing­manna um að skella þessu bara í þjóð­ar­at­kvæð­i.“