#viðskipti

Bréf í HB Granda ruku upp skömmu áður en tilkynning um aukinn loðnukvóta var gefin út

Mikil hækkun á bréfum HB Granda á síðustu dögum hefur vakið athygli á markaði undanfarna daga.

Hluta­bréf í HB Granda hafa hækkað tölu­vert síð­ustu daga og rauk gengi bréfa félags­ins upp eftir 8. febr­úar síð­ast­lið­inn. Þá var gengi bréfa félags­ins rúm­lega 25 en á fjórum við­skipta­dögum hækk­aði það um 22,5 pró­sent. Sjó­manna­verk­fall hefur staðið hefur yfir frá 14. des­em­ber með nei­kvæðum afleið­ingum fyrir útgerð­ar­fé­lög og sjáv­ar­út­veg­inn í heild. 

Veltan í þessum við­skiptum var rúm­lega 570 millj­ón­ir, en í dag, eftir að til­kynn­ingin um sext­án­földun á loðnu­kvót­anum kom, hækk­uðu bréfin um 4,13 pró­sent í við­skiptum upp á 410 millj­ón­ir. Ekki liggur fyrir hvaða fjár­festar voru að kaupa bréf á þessum fyrr­nefnda tíma.

Hér sést, af myndi frá Keldunni, hvernig viðskiptin hafa þróast síðustu viðskiptadaga.

Sam­kvæmt heim­ildum Kjarn­ans hefur tölu­vert verið rætt um það á mark­aði í dag, á meðal starfs­manna á fjár­mála­mark­aði, hvort upp­lýs­ingar um þessa miklu aukn­ingu loðnu­kvót­ans, hafi borist til ein­hverra áður en til­kynn­ing kom fram. Slíkt á ekki að ger­ast, en tíma­setn­ing þess­arar skörpu hækk­unar hefur vakið athygli margra.

Til­kynn­ingin var send út í morg­un, og sagði í henni orð­rétt: „Sjáv­ar­út­vegs- og land­bún­að­ar­ráð­herra hefur á grund­velli til­lagna Haf­rann­sókn­ar­stofn­unar ákveðið að auka heild­ar­afla íslenskra skipa á loðnu í alls 196.075 þús­und tonn á þess­ari ver­tíð. Áætlað heild­ar­verð­mæti loðnu­afl­ans er um 17 millj­arðar króna.

Auglýsing

Fyrr í vetur hafði íslenskum skipum verið úthlutað rúmum 12 þús­und tonnum þannig að aukn­ingin er rúm­lega sext­án­föld. Sam­kvæmt lögum 116/2016 um stjórn fisk­veiða verður 5,3% afl­ans úthlutað á skipti­mark­aði, alls 10.392 tonn­um.“

Deila sjó­manna og útgerða er enn óleyst, eftir að sjó­menn höfn­uðu gagntil­boði SFS í dag. Reynt verður til þrautar að leysa deil­una á næstu dög­um.

Mark­aðsvirði HB Granda er nú 57 millj­arðar króna. 

Meira úr sama flokkiInnlent
None