Smíði hófst á 922 nýjum íbúðum í Reykja­vík í fyrra, svip­aður fjöldi og árið 2015. Und­an­farin tvö ár eru 50% yfir með­al­tali fjölda íbúða sem hafin er smíði á, segir í nýrri árs­skýrslu bygg­ing­ar­full­trú­ans í Reykja­vík. 

Í ljósi þess að bygg­ing­ar­tími nýrra íbúða er um tvö til þjrú ár má gera ráð fyrir því að full­gerðum íbúðum muni fjölga mikið á þessu ári og næstu tvö árin, að mati Reykja­vík­ur­borg­ar. Umhverf­is- og skipu­lags­svið borg­ar­innar segir um 1.800 íbúðir í upp­bygg­ingu í dag. Sam­kvæmt því sem borgin greindi frá í lok síð­asta árs er áætlað að 3.300 íbúðir vanti til að mæta þörf á hús­næði í Reykja­vík. 

Dagur B. Egg­erts­son borg­ar­stjóri sagði á upp­bygg­ing­ar­fundi í ráð­hús­inu í októ­ber síð­ast­liðnum að upp­bygg­ingin framundan í Reykja­vík end­ur­spegl­aði þörf­ina að miklu leyti, en að það þyrfti ein­fald­lega að byggja meira. „„Nú þegar eru 5.500 íbúðir í sam­þykktu deiliskipu­lagi, af þeim eru um 2.000 í upp­bygg­ingu. Um 4.000 íbúðir eru í deiliskipu­lags­ferli og um 8.000 í þróun þannig að við sjáum fram á að geta annað þeirri eft­ir­spurn innan fárra ára – enda sýna kann­anir það að flestir vilja búa í Reykja­vík.“

Merki um ofhitnun og mark­aður að þorna upp

Arion banki birti nýlega skýrslu sína um íbúða­mark­að­inn, þar sem fram kom að byggja þarf að minnsta kosti átta þús­und íbúðir á næstu þremur árum til þess að halda í við fólks­fjölgun og mæta þeirri eft­ir­spurn sem hefur safn­ast upp á und­an­förnum árum. Grein­ing­ar­deild bank­ans telur ólík­legt að það náist að byggja svo mik­ið. 

p.p1 {marg­in: 0.0px 0.0px 20.0px 0.0px; font: 18.0px Times; -webkit-text-­stroke: #000000} ­span.s1 {font-kern­ing: none}

Í skýrsl­unni kemur fram að hús­næð­is­verð á höf­uð­­borg­­ar­­svæð­inu hafi hækkað um 15 pró­­sent á árinu 2016 og að sú hækkun hafi að mestu verið drifin áfram af hag­­stæðu efna­hags­á­standi, fólks­­fjölg­un, kaup­mátt­­ar­aukn­ingu, góðu aðgengi að fjár­­­mögnun og því að of lítið hafi verið byggt af íbúðum á und­an­­förnum árum. Grein­ing­­ar­­deildin spáir því að hús­næð­is­verð hækki um 14 pró­­sent á árinu 2017, um 9,7 pró­­sent árið 2018 og 7,5 pró­­sent árið 2019. Gangi spáin eftir er útlit fyrir að hús­næð­is­verð hækki tals­vert umfram flestrar und­ir­liggj­andi hag­­stærðir á borð við kaup­mátt ráð­­stöf­un­­ar­­tekna. Þegar glitti í gul ljós á sumum svæðum þar sem verð hefur hækkað sér­­stak­­lega mikið og til lengri tíma varar grein­ing­­ar­­deildin í nið­­ur­­stöðum sínum við ofhitnun á mark­að­in­­um.

Sig­urður Jón Björns­son, fram­kvæmda­stjóri fjár­stýr­ingar Íbúða­lána­sjóðs, fjall­aði einnig um þörf­ina fyrir nýtt hús­næði á nýlegum fundi sjóðs­ins. Þar sagði hann meðal ann­ars að það væru skýr merki um að fram­­boð eigna á hús­næð­is­­mark­aði væru við það að þorna upp. Eignir selj­ist nú oft á sýn­ing­­ar­degi sem sé óeðli­­legt ástand. Sig­­urður sagði enn fremur að miðað við fjölda íbúða í land­inu, og að níu til tíu pró­­sent þeirra skipti um hendur á ári og fjög­­urra mán­aða velt­u­hraða, þá ættu þrjú þús­und íbúðir að vera til sölu í dag. Talan sé hins vegar nær eitt þús­und. Þetta geti verið merki um ofhitun og Sig­­urður sagði að almenn­ingur ætti að stíga var­­lega til jarð­­ar.