Þing­menn Fram­sókn­ar­flokks­ins hafa lagt fram þings­á­lykt­un­ar­til­lögu á Alþingi þess efnis að sam­göngu- og sveit­ar­stjórn­ar­ráð­herra beiti sér fyrir því að NA/SV flug­brautin á Reykja­vík­ur­flug­velli verði opnuð á ný svo fljótt sem verða megi. Þing­menn­irnir vilja að ráð­herrann, Jón Gunn­ars­son, láti útbúa aðgerða­á­ætlun í þessa veru og upp­lýsi Alþingi um inni­hald hennar eigi síðar en í maí 2017. 

„Að mati flutn­ings­manna er nauð­syn­legt að neyð­ar­brautin verði opnuð á ný þar til fundin hefur verið fram­tíð­ar­lausn fyrir eitt mik­il­væg­asta sam­göngu­mann­virki þjóð­ar­inn­ar. Í því skyni er lagt til að ráð­herra beiti sér í mál­inu, hvort heldur með sér­stakri laga­setn­ingu um Reykja­vík­ur­flug­völl eða á annan hátt, og greini Alþingi frá aðgerða­á­ætlun um opnun neyð­ar­braut­ar­innar eigi síðar en í maí 2017,“ segir í grein­ar­gerð með frum­varp­in­u. 

Flug­braut­inni sem um ræðir var lokað í kjöl­far dóms Hæsta­réttar um mitt ár í fyrra, um að rík­inu væri skylt að loka flug­braut­inni í sam­ræmi við sam­komu­lag milli ríkis og borg­ar. Hafnar eru fram­kvæmdir við norð­ur­enda flug­braut­ar­inn­ar.