Sigmundur Davíð segir Panamaskjölin hafa verið sérstakt „hit-job“

Fyrrverandi forsætisráðherra segir það liggja fyrir að vogunarsjóðsstjórinn George Soros standi að baki opinberun Panamaskjalanna. Argentína og Ísland, sem bæði hafa háð rimmur við vogunarsjóði, hafi fengið sérstaka meðferð í umfjöllun.

Sigmundur Davíð
Auglýsing

Sig­mundur Davíð Gunn­laugs­son, fyrr­ver­andi for­sæt­is­ráð­herra, segir að stjórn­mála­menn í tveimur löndum hafi fengið sér­staka með­ferð þegar unnið var úr upp­lýs­ingum í Panama­skjöl­un­um. „Í báðum til­vikum var sér­stakt „hit-job" und­ir­búið mán­uðum sam­an. Það var í Argent­ínu og á Íslandi. Hvað eiga þessi tvö lönd sam­eig­in­legt? Hverjum hafa þau boðið byrg­inn?“

Þetta kemur fram í stöðu­upp­færslur sem Sig­mundur Davíð hefur sett á Face­book. Til­efnið er umfjöllun um fyrri ummæli hans um aðkomu alþjóð­lega fjár­fest­is­ins George Soros að leka Pana­ma-skjal­anna. Sig­mundur Davíð segir að það sé óþarfi að kalla aðkomu Soros sam­sær­is­kenn­ingu þar sem hún liggi fyr­ir. Það sem Argent­ína og Ísland eiga sam­eig­in­legt er að hafa tek­ist á við alþjóð­lega vog­un­ar­sjóði sem hafa hagn­ast á efna­hags­á­föllum ríkj­anna tveggja.



Sig­mundur Davíð sagði af sér sem for­sæt­is­ráð­herra eftir að upp­ljóstrað var um það í umfjöllun um Panama­skjölin að hann hafi átt félagið Wintris ásamt eig­in­konu sinni. Það félag er skráð til heim­ilis á Bresku Jóm­frú­areyj­un­um, var kröfu­hafi í bú föllnu íslensku bank­anna með kröfur upp á rúm­lega 500 millj­ónir króna og var ekki til­greint í hags­muna­skrán­ingu Sig­mundar Dav­íðs. Þegar Sig­mundur Davíð var spurður um Wintris í sjón­varps­við­tali þá sagði hann ósatt um til­urð félags­ins og tengsl sín við það.

Sig­mundur Davíð hefur áður haldið því fram að sam­særi hafi verið um að fella hann af stalli. Sú skýr­ing er þannig að erlendir vog­un­­ar­­sjóðir sem áttu kröfur í bú föllnu bank­anna á Íslandi, og sér­­stak­­lega vog­un­­ar­­sjóðs­­stjór­inn George Soros, hafi ákveðið að losa sig við Sig­­mund Dav­­íð.

Auglýsing

Sig­mundur Davíð sagði í við­tali við Útvap Sögu í júlí­lok 2016 að árás gegn honum hefði verið „und­ir­­búin í sjö mán­uði, í nokkrum löndum og beitt þessum gögn­um, sem að [George] Soros vog­un­­ar­­sjóð­s­­kóngur hafði keypt og grein­i­­lega gat notað að vild.“

Sig­­mundur Davíð er þar lík­ast til að vísa í að George Soros hefur gefið fé til að styrkja starf­­semi ICIJ, alþjóða­­sam­­taka rann­­sókn­­ar­­blaða­­manna sem unnu að birt­ingu Pana­ma-skjal­anna. Sú pen­inga­­gjöf Open Soci­ety Founda­tions - sjóðs sem Soros stofn­aði og stýrir - er hennar m.a. getið á heima­­síðu ICIJ og engin leynd er yfir henni. Upp­lýs­ingar um George Soros eru í Panama­skjöl­un­um. Í þeim kom fram að hann faldi fé og fjár­magn­aði verk­efni úr fjölda aflands­­fé­laga sem eiga heim­il­is­­festi á Bresku Jóm­frú­­areyj­un­um, á Bermúda og í Panama.

Í við­tali við Morg­un­blaðið í ágúst 2016 sagði Anna Sig­ur­laug Páls­dótt­ir, eig­in­kona Sig­mundar Dav­íðs að umfjöllun um Panama­skjölin á Íslandi hafi bara snú­ist um að fella Sig­mund Davíð sem for­sæt­is­ráð­herra. „Það sáu auð­vitað margir sem vildu ná sér niður á mann­inum sem hafði þvæl­st, svo eftir var tek­ið, fyrir kröf­u­höfum bank­anna og leyst úr stórum málum sem aðrir stjórn­­­­­mála­­­menn höfðu gef­ist upp á að fást við. Miðað við það hversu ljótur leikur þetta var og hvernig þetta teygði sig út fyrir land­­­stein­ana þá kæmi mér ekki á óvart þó ein­hverjir úr hópi kröf­u­haf­anna hafi ýtt undir þessa umfjöllun og séð sér veru­­­legan hag í því að velta for­­­sæt­is­ráð­herra lands­ins úr sessi.“

Halfdan Rasmussen, eitt vinsælasta skáld Dana.
Hvað gera Kasper, Jesper og Jónatan nú
Danska forlagið Gyldendal ákvað að sleppa átta ljóðum úr safni ljóða eftir skáldið Halfdan Rasmussen, þau eiga það sameiginlegt að í þeim koma fyrir orðin negri og hottintotti. Sú ákvörðun forlagsins hefur vakið mikla athygli í Danmörku.
Kjarninn 19. maí 2019
Áhætta á fasteignamarkaði
Nýjasta spá Hagstofu Íslands um þróun mála í efnahagslífinu bendir til þess að fasteignamarkaðurinn gæti átt erfitt uppdráttar á næstu misserum.
Kjarninn 19. maí 2019
Hatari veifaði Palestínufánum
Liðsmenn Hatara héldu á fána Palestínu þegar tilkynnt var um stigin úr símakosningunni í Eurovison í kvöld. Hatari hafnaði í 10. sæti í keppninni.
Kjarninn 19. maí 2019
Fjárhagslegur ávinningur er af sameiginlegum lyfjainnkaupum
Svandís Svavarsdóttir segir að það bæði ríkissjóður og notendur lyfja muni njóta góðs af samstarfi við hin Danmörk og Noreg um innkaup á lyfjum. Innkaup verði hagstæðari og öryggi í afhendingu meira.
Kjarninn 18. maí 2019
Hlutdeild ferðaskrifstofa í heildarneyslu ferðamanna rúmlega tvöfaldast
Hver ferðamaður sem kom til landsins árið 2017 varði 19 prósent af heildarneyslu sinni í ferðaskrifstofur. Þá hefur hlutdeild ferðaskrifstofa í heildarneyslu erlendra ferðamanna rúmlega tvöfaldast á níu árum.
Kjarninn 18. maí 2019
Starfsfólk ráðuneytanna ólíklegt til að tilkynna #metoo-mál
Skýrsla um #metoo og Stjórnarráð Íslands sem vinnustað var kynnt í ríkisstjórn í gærmorgun.
Kjarninn 18. maí 2019
Íhaldssamt öfga-hægri sem stendur gegn kvenfrelsi
Svandís Svavarsdóttir heilbrigðisráðherra segir að orðræða sumra þingmanna um þungunarrofsfrumvarpið endurspegli bakslag í íslenskum stjórnmálum og pólitíska sveiflu íhaldssamra öfga-hægri sjónarmiða.
Kjarninn 18. maí 2019
Klikkið
Klikkið
Klikkið - Viðtal við Ágúst Kristján
Kjarninn 18. maí 2019
Meira úr sama flokkiInnlent
None