Störfum í bygg­ing­ar­iðn­aði og ferða­þjón­ustu fjölg­aði hlut­falls­lega mest hér á landi á tíma­bil­inu frá febr­úar 2016 til febr­úar 2017. Störfum í sjáv­ar­út­vegi fækk­aði hins vegar á sama tíma­bil­i. 

Þetta kemur fram í nýjum tölum Hag­stofu Íslands um launa­greið­endur og laun­þega. 

Á þessu tólf mán­aða tíma­bili voru að jafn­aði tæp­lega sautján þús­und launa­greið­endur á Íslandi, og hafði þeim fjölgað um 210 eða 1,3 pró­sent frá síð­ustu tólf mán­uðum þar á und­an. Á sama tíma­bili greiddu launa­greið­endur að með­al­tali um 181.300 ein­stak­lingum laun, sem er aukn­ing um 4,8 pró­sent og 8.300 ein­stak­linga miðað við árið þar á und­an. 

Laun­þegum hefur fjölgað mikið milli ára í bygg­ing­ar­iðn­aði og ferða­þjón­ustu, líkt og fyrr seg­ir. Fjölg­unin nemur 17 pró­sentum í bygg­ing­ar­iðn­aði. Í febr­úar á þessu ári voru 10.700 laun­þegar í bygg­ing­ar­iðn­að­inum og 2.423 launa­greið­end­ur. 

Í ferða­þjón­ustu fjölg­aði laun­þegum um 14 pró­sent á einu ári, og í febr­úar störf­uðu um 23.400 manns í ein­kenn­andi greinum ferða­þjón­ustu. Þetta er fjölgun upp á 2.900 manns, en á sama tíma fjölg­aði laun­þegum í heild­ina um sex þús­und. Það þýðir að tæp­lega helm­ingur nýrra starfa sem urðu til á þessu tíma­bili voru í ein­kenn­andi greinum ferða­þjón­ust­unn­ar. 

Laun­þegum í sjáv­ar­út­vegi fækk­aði um 1.600 á tíma­bil­inu, sem er 17 pró­senta fækkun á einu ári.