For­stjór­ar, fjár­festar og frum­kvöðlar í Banda­ríkj­unum erum ósáttir við ákvörðun Don­alds Trumps frá því í gær, um að draga Banda­ríkin út úr Par­ís­ar­sam­komu­lag­inu, en ekki eru þó ljóst ennþá hvernig að því verður stað­ið.

Sam­kvæmt sam­komu­lag­inu er ekki hlaupið að því að yfir­gefa það, eins og rakið var í grein Þrastar Freys Gylfa­son­ar, stjórn­mála­fræð­ings, á vef Kjarn­ans í gær.

For­stjórar tækniris­ana App­le, Alp­habet (Goog­le), Microsoft og Tesla Motors voru fljótir að tjá sig um ákvörðun Trumps, og sögðu hana engu breyta um það að fyr­ir­tækin ætl­uðu sér að leggja sitt af mörkum til að mark­mið Par­ís­ar­sam­komu­lags­ins muni nást.

Elon Musk, stofn­andi og for­stjóri Tesla, ákvað að fara úr ráð­gjafa­ráði Trump, þegar kemur að atvinnu­málum og nýsköp­un, um leið og ákvörðun hans lá fyr­ir. Hann sagði að ákvörðun væri slæm fyrir Banda­ríkin og slæm fyrir heim­inn all­an. „Lofts­lags­breyt­ingar eru raun­veru­leg­ar,“ sagði hann á Twitter svæði sínu.

Robert Iger, for­stjóri Walt Dis­ney, sagði sig einnig strax úr ráð­inu, og mót­mælti ákvörðun Trumps. Dar­ren Woods, for­stjóri Exxon Mobile, stærsta skráða olíu­fé­lags í heimi, sendi Trump bréf og bað hann um að halda Banda­ríkj­unum inn í Par­ís­ar­sam­komu­lag­inu.

Llyod Blank­fein, for­stjóri og stjórn­ar­for­maður Gold­man Sachs, sagði ákvörðun Trumps ranga og að hún væri til þess fallin að grafa undan leið­toga­hlut­verki Banda­ríkj­anna í heim­in­um.

Flest þeirra fyr­ir­tækja, sem þegar hafa ákveðið að vinna að því að ná mark­miðum sam­komu­lags­ins, ætla engu að breyta, þrátt fyrir yfir­lýs­ingu Trumps.

Þá sendu borg­ar­stjórar 68 borga í Banda­ríkj­unum frá sér yfir­lýs­ingu, þar sem þeir mót­mæltu ákvörðun Trumps, og sögð­ust ekki ætla að breyta neinu í sinni vinnu. Mark­miðið væri að ná fylgja Par­ís­ar­sam­komu­lag­inu og reyna að stuðla að umhverf­is­vænni lífstíl ti fram­tíðar lit­ið.

Ísland er aðili að Par­ís­ar­sam­komu­lag­inu, og sagði Björt Ólafs­dótt­ir, umhverf­is­ráð­herra, í gær að ekk­ert yrði slegið af í vinnu stjórn­vald á Íslandi, þegar kæmi að því ná mark­miðum Par­ís­ar­sam­komu­lags­ins.

Gagn­vart Par­ís­ar­sam­komu­lag­inu hefur Ísland hengt sig á Evr­ópu­sam­bandið og tekur þátt í sam­eig­in­legu mark­miði aðild­ar­ríkja Evr­ópu­sam­bands­ins um að vera búið að minnka losun frá Íslandi um 40 pró­sent árið 2030 miðað við losun árs­ins 1990.