Gengi bréfa Haga hrynur

Gengi hlutabréfa samstæðu Haga hefur hrunið það sem af er dags í kjölfar tilkynningar þeirra til Kauphallarinnar um breyttar markaðsaðstæður.

Opnun Costco virðist hafa haft töluverð áhrif á rekstur Haga.
Opnun Costco virðist hafa haft töluverð áhrif á rekstur Haga.

Gengi hluta­bréfa í Högum hafði lækkað um 5,72% rétt fyrir kl. hálf 11 í morg­un, en sam­stæðan sendi til­kynn­ingu til Kaup­hall­ar­innar um jún­í­upp­gjör sitt í gær eftir lokun mark­aða. Í upp­gjör­inu kom fram að sala Haga í mat­vöru­versl­unum sínum hafi dreg­ist saman um 9,4% milli júní­mán­aða 2016 og 2017.

Sam­kvæmt til­kynn­ing­unni hefur breytt sam­keppn­isum­hverfi hafi haft áhrif á rekstur og mark­aðs­stöðu Haga, en þessir þættir hafi komið í ljós í bráða­birgða­upp­gjöri fyrir júní­mán­uð. 

­Magnaukn­ing sölu á fyrsta árs­fjórð­ungi í mat­vöru­versl­unum sam­stæð­unnar var 1,8% milli áranna 2016 og 2017 og fjöldi við­skipta­vina jókst um 1,7%.  Hins veg­ar, ef bornar eru saman sam­bæri­legar tölur fyrir júní­mán­uð, þá minnk­aði salan um 9,4% og við­skipta­vinum fækk­aði um 1,8% milli ára. Fram­legð­ar­hlut­fallið lækk­aði sömu­leiðis um 0,4 pró­sentu­stig milli júní­mán­aða 2016 og 2017.

Einnig kemur fram að þótt sam­stæðan hafi lagt af starf­semi og verð­hjöðnun hafi átt sér stað í mat­vöru á sam­an­burð­ar­tíma­bil­inu þá hafi aðrir stórir kostn­að­ar­liðir hins vegar hækk­að. Má þar nefna kjara­samn­inga og þenslu á vinnu­mark­aði, auk þess sem flestir leigu­samn­ingar félags­ins eru bundnir vísi­tölu neyslu­verðs, sem hefur hækkað á tíma­bil­inu.

Auglýsing
Viðbrögð mark­að­ar­ins við til­kynn­ingu Haga hafa verið nei­kvæð í fyrstu, en dag­gengi hluta­bréfa þeirra hafði lækkað um 5,72% um hálf 11 í morg­un. Á sama tíma hafði OMX vísi­tala Kaup­hall­ar­inar lækkað um 1,54%. Virð­is­lækk­unin hefur gengið eitt­hvað til­baka það sem af er dags, en mbl.is greindi frá því að gengi Haga hafi lækkað um 10% þegar tæpar 20 mín­útur höfðu liðið frá opnun mark­aða. 

Kjarn­inn hefur áður fjallað um versn­andi gengi Haga, en hluta­bréfa­verð sam­stæð­unnar hefur lækkað hratt frá opnun Costco. Rekstur Haga hefur einnig tekið nokkrum breyt­ingum und­an­farin miss­eri, en þeir keyptu Lyfju og Olís á síð­asta rekstr­ar­ári. Búast má við harðn­andi sam­keppni fram und­an, en gert er ráð fyrir því að sænski fat­ar­is­inn H&M opni í ágúst. 



Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Meira úr sama flokkiInnlent