Verð á hót­elgist­ingu hefur hækkað um meira en 60 pró­sent hér­lendis í erlendri mynt á tveimur árum. Sú hækkun er vel umfram styrk­ingu á gengi krón­unnar og því útskýrir hún hækk­un­ina ekki nema að hluta. Stóran hluta hækk­unar megi rekja til hærri gjald­skrár hót­ela og hót­elgist­ing hækkað langt umfram þróun verð­lags. Þetta er haft eftir Gústaf Stein­gríms­syni, hag­fræð­ingi í hag­fræði­deild Lands­bank­ans, í Frétta­blað­inu í dag.

Þar segir hann að stór­aukin eft­ir­spurn ferða­manna eftir gisti­rými sé senni­leg­asta ástæða þess hve mikið þjón­usta hót­ela og gisti­heim­ila hafi hækkað í krónum talið á und­an­förnum árum.„­Menn virð­ast hafa verið í það góðri stöðu, og gistinýt­ingin er það há, að þeir hafa getað leyft sér að hækka verð­ið,“ segir Gústaf í sam­tali við Frétta­blað­ið. Hann nefnir aukin launa­kostnað sem aðra breytu sem gæti skýrt miklar hækk­an­ir.

Einnig er fjallað um málið í Við­skipta­blað­inu í dag. Þar er bent á að vegna meiri fjölg­unar erlendra ferða­manna en sem nemur fjölgun gistin­átta hefur gistin­átta­fjöld­inn á hvern ferða­mann hér­lendis dreg­ist tals­vert sam­an. Fjöldi gistin­átta á hvern ferða­mann hafi numið 1,7 í júní og dróst saman um ríf­lega níu pró­sent frá sama tíma­bili í fyrra. Gústaf er einnig við­mæl­andi í umfjöllun Við­skipta­blaðs­ins og segir þar að gistinætur á mann hafi verið að drag­ast saman í fjórtán mán­uði í röð. „Með­al­tal gistin­átta hefur verið tals­vert lægra á fyrstu sex mán­uðum þessa árs en á sama tíma í fyrra.“ segir Gúst­af. Hann segir verð­þróun á gist­ingu í erlendri mynt skipa þar mestu. Verðið á fyrstu sex mán­uðum árs­ins sé þriðj­ungi hærra en á sama tíma í fyrra mælt í erlendri mynt og 62 pró­sent hærra en á sama tíma­bili árið 2015. Áhrif frá heimagist­ingu (Air­bnb) gætu einnig spilað inn í. Ferða­menn hafi mætt styrk­ingu krón­unnar með því að draga úr dval­ar­lengd í stað þess að hætta við að koma til lands­ins.