Eign­ar­hlutur þriggja íslenskra líf­eyr­is­sjóða í United Sil­icon er innan fjár­fest­ing­ar­heim­ilda þeirra, sam­kvæmt svari frá Fjár­mála­eft­ir­lit­in­u. 

Kjarn­inn lagði fram fyr­ir­spurn til Fjár­mála­eft­ir­lits­ins um hvort fjár­fest­ingar líf­eyr­is­sjóð­anna Festu, Frjálsa og EFÍA, fyrir 2.166 millj­ónir króna í United Sil­icon, hafi sam­rýmst fjár­fest­ing­ar­reglum þeirra, þar sem fyr­ir­tækið er óskráð. 

Áður hefur verið greint frá þessum fjár­fest­ing­um, en Frjálsi fjár­festi fyrir 1.178 millj­ónir króna í fyr­ir­tæk­in­u. United Sil­icon er nú komið í greiðslu­stöðvun og vinnur að gerð nauða­samn­inga við kröfu­hafa sína.

Í svari Fjár­mála­eft­ir­lits­ins kom fram að líf­eyr­is­sjóð­irnir hafi heim­ild til að binda allt að 10% heild­ar­eigna sinna í hluta­bréfum sama útgef­anda. Heim­ildin er óháð því hvort um skráð eða óskráð fyr­ir­tæki sé að ræða, en líf­eyr­is­sjóði er heim­ilt að eiga allt að 25% af eignum sínum í óskráðum fjár­mála­gern­ing­um. Sam­kvæmt sam­an­tekt úr árs­reikn­ingum líf­eyr­is­sjóð­anna var hlut­fall eigna þeirra í óskráðum fyr­ir­tækjum 3,9% hjá Frjálsa, 4,3% hjá EFÍA og 5,3% hjá Festu.

Ekki er ljóst hvernig eign­ar­haldi United Sil­icon er hátt­að, en Krist­leifur Andr­és­son, tals­maður fyr­ir­tæk­is­ins, vildi ekki gefa upp neinar upp­lýs­ingar um eig­endur þegar Kjarn­inn bað um þær á mið­viku­dag­inn.