Horn II slhf., og Selen ehf. hafa selt sinn hlut í Kea­hót­elum ehf. Með söl­unni eign­ast banda­rísk fyr­ir­tæki 75% hlut í fyr­ir­tæk­ið, en heild­ar­kaup­verð fyr­ir­tæk­is­ins nam 5,5 millj­örðum króna. Þetta kemur fram í frétta­til­kynn­ingu fyr­ir­tæk­is­ins sem kom út í dag og greint var frá kaup­verð­inu á vef Vísis.

Kaup­andi Kea­hót­ela var fjár­fest­inga­fyr­ir­tækið K Acquisitions ehf., en að baki því félagi standa banda­ríska fast­eigna­fé­lagið JL Properties með 25% hlut, banda­ríska eigna­stýr­ing­ar­fyr­ir­tækið Pt Capi­tal Advis­ors með 50% hlut og Trölla­hvönn ehf. með 25% hlut. Banda­rísku fyr­ir­tækin eru nýir eig­endur fyr­ir­tæk­is­ins, en Trölla­hvönn hefur verið í eig­enda­hópi Kea­hót­ela frá árinu 2012. 

Sam­kvæmt frétta­til­kynn­ing­unni er JL Properties stærsta fast­eigna-, fast­eigna­þró­un­ar-, og fjár­fest­inga­fé­lag Alaska. Eigna­safn félags­ins telur yfir 185.000 fer­metra og er mark­aðsvirði þess metið á yfir 2 millj­arða Banda­ríkja­dala. Heima­mark­aður félags­ins er Alaska en félagið á jafn­framt eignir í Utah, Georgíu og Flór­día fylkj­um. Safnið sam­anstendur af bæði atvinnu- og íbúð­ar­hús­næði. Kaupin á Kea­hót­elum eru fyrsta fjár­fest­ing JL Properties á Íslandi.

Pt Capi­tal Advis­ors LLC er dótt­ur­fé­lag banda­rísks eigna­stýr­inga­fyr­ir­tækis sem er með höf­uð­stöðvar í Anchorage í Alaska. Félagið sér­hæfir sig í fjár­fest­ingum á norð­ur­slóð­um, þar á meðal Ala­ska, Norð­ur­-Kana­da, Græn­land og Ísland. Félagið keypti ráð­andi hlut í fjar­skipta­fé­lag­inu Nova í mars síð­ast­liðn­um.

Upp­fært kl. 14:57:

Sam­kvæmt frétt Vísis um kaupin var heild­ar­kaup­verðið 5,5 millj­arðar króna, en mið­ill­inn hefur það eftir heim­ild­ar­mönnum sín­um.