Hlut­hafar Whole Foods hafa nú form­lega sam­þykkt kauptil­boð tækni- og smá­söluris­ans Amazon en verð­mið­inn var 13,7 millj­arðar Banda­ríkja­dala, eða sem nemur um 1.500 millj­örðum króna. Form­leg sam­ein­ing hefur ekki ennþá gengið í gegn, en það stytt­ist í að það ger­ist.

Amazon hyggst lækka verð á fjölda vöru­teg­unda í Whole Foods og tengja saman Amazon Prime vild­ar­kjara­kerfi á vef fyr­ir­tæk­is­ins við versl­ana­keðj­una. Þannig munu áskrif­endur Amazon Prime fá afslátt­ar­kjör í Whole Foods.

Talið er að Amazon Prime með­limir séu næstum 80 millj­ónir á heims­vísu, en Amazon gefur ekki upp nákvæma tölu áskrif­enda sinna í upp­gjörstil­kynn­ing­um. Grein­endur hafa þó greint upp­gjör félags­ins með fyrr­greindum hætt­i. 

Fast­lega er búist við því að Amazon muni kynna marg­vís­legar breyt­ingar á starf­semi sinni, á næstu miss­erum, en fyr­ir­tækið vinnur nú að miklum vaxt­ar­á­formum í Evr­ópu og mið­aust­ur­lönd­um, þar sem fyr­ir­tækið ætlar sér að byggja upp sam­bæri­lega smá­sölu­starf­semi og hefur náð ræki­legri fót­festu í Banda­ríkj­un­um. 

Gengi bréfa helstu sam­keppn­is­að­ila Amazon féll, sam­kvæmt umfjöllun BBC, eftir að frétt­irnar bár­ust út um að Amazon hefði hug á því að lækka vöru­verð í Whole Foods, og efla versl­un­ina með harð­ari sam­keppni um verð við önnur fyr­ir­tæki. Vöru­verð í Whole Foods hefur verið á bil­inu 15 til 20 pró­sent hærra en hjá mörgum sam­keppn­is­að­il­um, en að á móti hefur fyr­ir­tækið lagt mikið upp úr gæða­vöru og góðri versl­un­ar­upp­lif­un. 

Í heild eru versl­anir Whole Foods 470 tals­ins. Jeff Bezos, for­stjóri Amazon, hefur látið hafa eftir sér að engar kúvend­ingar verði gerðar á starf­semi Whole Foods, enda fyr­ir­tækið þekkt fyrir afbragðs þjón­ustu og góðar vör­ur. Hins vegar séu mikil tæki­færi í því fólgin að efla net­versl­un, og tengja vöru­merkið við þjón­ustu Amazon. 

Mark­aðsvirði Amazon er í dag 474 millj­arðar Banda­ríkja­dala, eða sem nemur um tæp­lega 50 þús­und millj­örðum króna. Virði fyr­ir­tæk­is­ins er því um fimm­tíu­falt meira en virði íslenska hluta­bréfa­mark­að­ar­ins í heild sinni. Bezos, sem er stofn­andi fyr­ir­tæk­is­ins, á sjálfur rúm­lega 17 pró­sent hlut í fyr­ir­tæk­inu.