Heild­ar­tekjur rík­is­ins á tíma­bil­inu jan­úar til og með júlí á þessu ári námu 358,7 millj­örðum króna sem var 3,5 millj­örðum undir áætl­un. Þetta er meðal þess sem fram kemur í sex mán­aða upp­gjöri rík­is­ins frá Fjár­sýslu rík­is­ins.  

Miklu munar um að tekju­skattur ein­stak­linga var 8,7 millj­örðum króna undir áætlun sem skýrist af um 10 millj­arða króna end­ur­greiðslu vegna upp­gjörs árs­ins 2016 sem var í júní en áætlun gerði ráð fyrir að yrði í júlí. 

Í stórum dráttum telst upp­gjörið í takt við vænt­ingar stjórn­valda, en þó má lesa út úr upp­gjör­inu að krefj­andi verður fyrir ríkið að halda aftur af útgjalda­aukn­ingu á síð­ari hluta árs­ins. 

Tekju­jöfn­uður tíma­bils­ins er fjórir millj­arðar króna sem er 3,8 millj­örðum króna umfram áætlun tíma­bils­ins. „Ef tekið er til­lit til frá­vika á end­ur­greiðslu tekju­skatts, fjár­heim­ilda­stöðu fyrra árs og vaxta­gjalda við upp­greiðslu á erlendu skulda­bréfi þá er tekju­jöfn­uður 5,1 millj­arðar umfram áætlun tíma­bils­ins,“ segir í til­kynn­ingu vegna upp­gjörs­ins.

Sé litið til þess hvernig áætl­anir voru og fjár­heim­ild­ar, þá voru útgjöld 10,7 millj­örðum króna hærri. 

Miklu munar fyrir rík­ið, þegar kemur að arð­greiðslum úr bönk­unum tveimur sem rík­ið, Lands­bank­anum (ríf­lega 98 pró­sent) og Íslands­banka (100 pró­sent). Sam­an­lagt eigin fé bank­anna er yfir 450 millj­arðar króna.

Fjár­magnstekjur námu 28,7 millj­örðum eða 4,4 millj­örðum yfir áætlun „sem skýrist aðal­lega af arð­greiðslum af eign rík­is­ins í Lands­bank­anum og Íslands­banka,“ eins og segir í til­kynn­ing­u.