„Þrátt fyrir vand­lega leit í lækn­is­fræði­bók­mennt­u­m okkar tíma hefur mér ekki tek­ist að finna þess ­merki að búið sé að sýna fram á með vís­inda­legum aðferðum að myglu­sveppir í húsum vegi að heilsu manna.“

Þetta segir Kári Stef­áns­son, for­stjóri Íslenskrar erfða­grein­ing­ar, í grein í Frétta­blað­inu í dag, þar sem hann fjallar um myglu­svepp í hús­um. Hann segir engan iðnað í land­inu hafa vaxið hraðar - að ferða­þjón­ust­unni und­an­skil­inni - heldur en iðnað sem tengdur er myglu­svepp. 

Hann segir að íslensk þjóð virð­ist vera sann­færð um slæm áhrif mygslu­svepps þrátt fyrir að engar sann­anir séu til fyrir því.

„Þrátt fyrir það velkist ­ís­lensk þjóð ekki í vafa um áhrif myglu­sveppa á heilsu og má sjá ­merki þess víða í sam­fé­lag­inu. Til­ ­dæmis ef ekið er austur Sæbraut­ina blasir við risa­stórt hús, autt, þar sem einu sinni var banki sem var ýmist ­fallítt eða ekki. Húsið var rýmt af því að margir starfs­menn bank­ans urð­u la­snir og sumir bráðla­snir af völd­um myglu­svepps, sem lækn­is­fræð­in veit ekki enn hvort vegur að heilsu ­fólks eða ekki. Þetta hús er svo stórt að ef það hefði verið rýmt áður en draug­arnir hurfu annað hefðu þeir allir rúm­ast þar, getað flutt þang­að ­vegna þess að mér finnst lík­legt að draugar séu ónæmir fyrir myglu­svepp­um,“ segir Kári.

Hann segir að það væri ekki úr vegi, að byrja á því að rann­saka hvort myglu­sveppur sé heilsu­spill­andi áður en risa­vaxin hús eru dæmd ónýt. „Svo er það hús Orku­veit­unnar og ­þús­undir ann­arra húsa víðs­veg­ar um landið og okkur er sagt að tjón­ið af völdum myglu­svepps á Ísland­i ­nemi tugum milj­arða. Þetta byrj­að­i á því að inn í hús nokkur kom ung ­kona í kaf­ara­bún­ingi (ghost buster) og fann myglu­sveppi grimmi­lega ­sem hún lagði á mjaðma­hnykk. ­Síðan þá hefur bar­áttan við myglu­svepp­inn orðið mjög stór iðn­að­ur á Íslandi og engin atvinnu­grein ­vaxið meira í land­inu nema ferða- ­þjón­ust­an. Nú er ég ekki að halda því fram að það sé loku fyrir það skotið að myglu­sveppur í húsum geti vald­ið heilsu­vanda hjá þeim sem þar búa eða vinna á sama máta og ég er ekki viss um nema draugar séu til­, í báðum þessum til­fellum vant­ar ein­fald­lega sönnun þess að svo ­sé. Þess vegna væri ekki úr vegi að ­byrja á því að rann­saka málið áður­ en hús eru dæmd ónýt og rifin og tug­milj­arða króna tjón gert að raun­veru­leika. Rann­sókn á skaða þeim sem myglu­sveppur kann að ­valda á heilsu manna verður ein­göng­u unnin á Íslandi vegna þess að í öðrum löndum búa mað­ur­inn og svepp­ur­inn í frið­sömu sam­býl­i og hvor­ugur kvartar undan hin­um,“ segir Kári.