Leynd ríkir um starfsemi ESÍ og viðskipti með kröfur og eignir

Vísað er til þess í svari við fyrirspurn Sigurðar Inga Jóhannssonar að Seðlabankinn geti ekki veitt upplýsingar um viðskiptamenn sína.

Bjarni Benediktsson, forsætisráðherra.
Bjarni Benediktsson, forsætisráðherra.
Auglýsing

Í svari Bjarna Bene­dikts­son­ar, for­sæt­is­ráð­herra, við fyr­ir­spurn Sig­urðar Inga Jóhanns­son­ar, for­manns Fram­sókn­ar­flokks­ins, kemur fram að stór hluti upp­lýs­ing­ana sem fyr­ir­spurnin bein­ist falli undir banka­leynd og því verði ekki veittar neinar upp­lýs­ingar um þær. „Stór hluti þeirra upp­lýs­inga sem fyr­ir­spurnin bein­ist að eru bæði þess eðlis og efnis að þær varða hagi við­skipta­manna ESÍ og dótt­ur­fé­laga þess (og þar með Seðla­banka Íslands) og ekki síður mál­efni bank­ans sjálfs. Þar af leið­andi telj­ast þær ekki til opin­berra upp­lýs­inga og um þær ríkir þagn­ar­skylda,“ segir í svar­inu.

Svar Bjarna við fyr­ir­spurn Sig­urðar Inga var birt á vef Alþingis í gær.

Fyr­ir­spurnin var ítar­leg, og lögð fram í sex lið­um. Umfang eigna og krafna sem ESÍ átti eftir hrunið var mik­ið, en sam­kvæmt svar­inu var það 490 millj­arðar króna árið 2009 en talan var komin niður í 42,7 millj­arða í árs­lok 2016.

Auglýsing

Meðal þess sem spurt var um, var hversu margar eign­ir/­kröfu Seðla­banki Íslands hafi selt, „beint eða í gegnum dótt­ur­fé­lög, svo sem ESÍ, frá því að honum var falin umsjón þeirra eftir banka­hrunið árið 2008, hvert var sölu­and­virðið í heild og sund­ur­liðað eftir árum, hverjir keyptu og á hvaða kjörum, sund­ur­liðað ár fyrir ár?“

Þá spurði Sig­urður Ingi einnig út í það í hvaða til­vikum bank­inn hefði  eða dótt­ur­fé­lag hans hefði lánað fyrir kaupum og hvernig hefði verið staðið að því. Svo sem hvernig skil­málar hefðu ver­ið, lána­hlut­föll og hvaða ástæður hefðu legið að baki við­skipt­un­um. 

Þá beind­ist fyr­ir­spurnin einnig að sér­fræði­þjón­ustu. „Fyrir hvaða sér­fræði­þjón­ustu, hverjum og hve mik­ið, hefur Seðla­banki Íslands, beint eða í gegnum dótt­ur­fé­lög, greitt vegna sölu á eign­um/­kröfum frá og með árinu 2013 til dags­ins í dag, var þjón­ustan aug­lýst og/eða boðin út, hvernig var staðið að ráðn­ingu á þjón­ustu­að­il­um, hver voru sjón­ar­mið til grund­vallar ráðn­ingum og hvernig skipt­ust greiðslur milli aðila?“



Í svari Bjarna kemur fram að ekki sé hægt að upp­lýsa um það, hvaða aðilar það hafi verið sem hafi sinnt þjón­ustu fyrir Seðla­bank­ann. Er vísað til þagn­ar­skyldu í því sam­hengi, en nákvæm­lega er þó ekki farið út í það. „
Upp­lýs­ingar um hvaða sér­fræð­inga hefur verið leitað til, hversu mikið þeir hafa fengið greitt fyrir sér­fræði­þjón­ustu sína og skil­mála ráðn­ing­ar­samn­inga að öðru leyti getur Seðla­banki Íslands ekki veitt með vísan til sjón­ar­miða um þagn­ar­skyldu, sbr. fram­an­grein­t,“ segir í svari Bjarna.

Sig­urður Ingi spurði einnig út í sölu á eignum og kröf­um, og hvort þær eignir hefðu í öllum til­fellum verið aug­lýst­ar. Í svari Bjarna er því ekki svarað afdrátt­ar­laust, en sagt að meg­in­reglan hefði verið sú að reyna að hámarka end­ur­heimt­ur. „Almennt hafa ESÍ og dótt­ur­fé­lög þess aug­lýst þær eignir til sölu sem stafa frá banka­hrun­inu. Hér má þó benda á að sala skulda­bréfa til Íbúða­lána­sjóðs sem fjallað var um í 1. tölul. var nið­ur­staða beinna við­ræðna sjóðs­ins og ESÍ að und­an­gengnu sam­ráði við fjár­mála- og efna­hags­ráðu­neytið og var sá háttur hafður á í ljósi umfangs við­skipt­anna og hags­muna beggja aðila. Þá hefur þess einnig verið gætt að per­sónu­grein­an­legar upp­lýs­ingar verði ekki opin­ber­ar. Fyr­ir­komu­lag við sölu eigna hefur eðli máls sam­kvæmt verið mis­mun­andi eftir þeim eignum sem til sölu hafa verið hverju sinni. Þótt fyr­ir­komu­lag við sölu á eigna­söfnum sé mis­mun­andi hafa starfs­menn bank­ans, ESÍ og dótt­ur­fé­laga þess leit­ast við að aug­lýsa útfærsl­una hverju sinni og hafa sölu­ferlin opin, m.a. með til­liti til jafn­ræð­i­sjón­ar­miða. Við úrvinnslu eigna hefur meg­in­mark­miðið þó, eftir sem áður, verið að hámarka end­ur­heimtur eigna og þannig tak­marka það tjón sem banka­hrunið mun á end­anum valda Seðla­banka Íslands,“ segir svari Bjarna.

Í svar­inu kemur enn fremur fram að Seðla­banki Íslands ætli sér að birta skýrslu á næsta ári um starf­semi ESÍ og með­ferð eigna og krafna, sem komu í fang seðla­bank­ans eftir hrun­ið.

Eiríkur Ragnarsson
Hvalveiðiskýrsla Hagfræðistofnunar: Hvorki hinn heilagi sannleikur né samsæri Hvals hf.
Kjarninn 17. febrúar 2019
WOW air sagt óska eftir lengri fresti til að greiða flugvallargjöld erlendis
Ekkert hefur verið gefið upp um hvernig viðræður WOW air og Indigo Partners ganga.
Kjarninn 17. febrúar 2019
Karolina Fund: HVAÐ barna- og ungmennatímarit
HVAÐ er hvetjandi og eflandi tímarit fyrir börn og ungmenni sem ýtir undir sjálfstæða hugsun og heilbrigða sýn á tilveruna og náttúruna. Nú er safnað fyrir útgáfu þess á Karolina Fund.
Kjarninn 17. febrúar 2019
Nær fimmtungur allra barna í heiminum búa á stríðshrjáðum svæðum
Í nýrri skýrslu Barnaheilla kemur fram að ef litið sé til síðustu tuttugu ára þá búa nú fleiri börn en nokkru sinni á svæðum þar sem vopnuð átök geisa, eða nærri eitt af hverjum fimm börnum.
Kjarninn 17. febrúar 2019
Eignaójöfnuður á miklu hærra stígi en tekjuójöfnuður á Íslandi
Stefán Ólafsson, prófessor í félagsfræði, segir að meiri vöxtur á fjármagnstekjum og tekjum sem stafa af eignum á síðustu árum auki á þann ójöfnuð sem ríki hérlendis.
Kjarninn 17. febrúar 2019
Lilja sannfærð um að fjölmiðlafrumvarpið komist í gegnum ríkisstjórn
Mennta- og menningarmálaráðherra telur ekki að andstaða innan Sjálfstæðisflokksins muni koma í veg fyrir að frumvarp um endurgreiðslur til einkarekinna fjölmiðla muni verða að lögum.
Kjarninn 17. febrúar 2019
Arion banki vill selja verksmiðjuna í Helguvík „eins fljótt og kostur er“
Bókfært virði kísilmálmverksmiðjunnar í Helguvík, sem var upphaflega í eigu United Silicon, er 15,5 milljörðum krónum undir þeirri fjárfestingu sem þegar er búið að kosta til við uppbyggingu hennar. Arion banki ætlar sér að selja hana við fyrsta tækifæri.
Kjarninn 17. febrúar 2019
Grænlenskur gullsandur
Skortur á sandi er líklega það síðasta sem þeim sem fara um Mýrdalssand og Sahara dettur í hug. Sandurinn er hinsvegar ekki óþrjótandi auðlind, en Grænlendingar eiga nóg af honum og þar bætist sífellt við.
Kjarninn 17. febrúar 2019
Meira úr sama flokkiInnlent