#landbúnaður

Sala á lambakjöti stóreykst

Markaðsátak hefur skilað miklum árangri.

Sala á lamba­kjöti inn­an­lands í ágúst var 48 pró­sentum meiri en í sama mán­uði í fyrra, sam­kvæmt nýjum tölum frá Mat­væla­stofn­un.

Þá var útflutn­ingur lamba­kjöts 131 pró­senti meiri í ágúst á þessu ári en í fyrra.

Morg­un­blaðið greinir frá þessu í dag, en haft er eftir Stein­þóri Skúla­syni, for­stjóra SS, að mark­aðs­starf erlendis sé nú farið að bera mik­inn árang­ur. Frá því í vor, þegar átak hóf­st, hafi 800 tonn verið flutt úr, en sölu­aukn­ing inn­an­lands er meðal ann­ars vegna

Auglýsing

Um 723 tonn af lamba­kjöti voru seld inn­an­lands í ágúst og 225 tonn voru flutt út.

Yfir 300 millj­ónum var varið í mark­aðsá­tak erlend­is, en ríkið lagði til hluta­fjár­magns­ins beint og þá kom féð einnig úr búvöru­samn­ingi og með fram­lagi slát­ur­leyf­is­hafa.

Staða sauð­fjár­bænda hefur verið erfið að und­an­förnu. Til­­lögur stjórn­­­valda vegna yfir­­stand­andi erf­ið­­leika í sauð­fjár­­­rækt munu kosta rík­­is­­sjóð um 650 millj­­ónir króna, komi þær til fram­­kvæmda. 

Sam­­kvæmt þeim verður gripið til umfangs­­mik­illa aðgerða til að draga úr fram­­leiðslu kinda­kjöts og fækka um leið fé um 20 pró­­sent. Þeir bændur sem hætta sauð­fjár­­fram­­leiðslu munu geta haldið 90 pró­­sent af greiðslum sam­­kvæmt sauð­fjár­­­samn­ingi í fimm ár og gripið verður til sér­­tækra aðgerða til að draga úr yfir­­vof­andi kjara­skerð­ingu bænda. Á móti verður þess kraf­ist að búvöru­­samn­ingur sauð­fjár­­bænda, sem var und­ir­­rit­aður í fyrra og gildir til tíu ára, verði end­­ur­­skoð­að­­ur.

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Meira úr sama flokkiInnlent