Grein­andi hjá Carnagie grein­ing­ar­fyr­ir­tæk­inu í Dan­mörku fjallar um Össur í grein­ingu sinni, og nefnir þar að til­kynnt hafi verið um fluttn­ing á 50 starfs­gildum frá Íslandi til Mexíkó, þar sem Össur er með fram­leiðslu. Er þetta sagt gert til að draga úr kostn­aði.

Jafn­framt er tekið fram að ekki standi til að flytja fleiri störf á milli starfs­stöðv­a. 

Grein­and­inn segir í grein­ingu sinni á Öss­uri, að eins og áður sé nýsköpun og vöru­þróun hjá fyr­ir­tæk­inu ein­stak­lega áhuga­verð, og tækninýj­ungar sem frá fyr­ir­tæk­inu komi séu heill­andi. Hins vegar sé það mat grein­anda að það geti verið erfitt fyrir Össur að finna kaup­endur fyrir margar af þessum vör­um. Það sé hluti af krefj­andi umhverfi fyr­ir­tæk­is­ins að finna leiðir til að við­hald­andi ásætt­an­legum vexti til fram­tíð­ar.

Grein­ingin var send út til fjár­festa í gær, eftir mark­aðs­dag með stjórn­endum Öss­ur­ar.

Ráð­gjöfin til fjár­festa sem eiga bréf í félag­inu er sala (Sell), og eru bréfin í félag­inu sögð yfir­verð­lögð um 15 pró­sent, miðað við gengið á danska mark­aðn­um. Er þar sagt að verðið hafi verið 29,9 danskar krónur á hlut, en að mati grein­enda sé það 26 danskar krónur á hlut. 

Össur er tví­skráð á markað í Dan­mörku og Íslandi, en danskir hlut­hafar eru stærstu eig­end­ur, með meira en 60 pró­sent hluta­fjár. Sam­tals eru erlendir hlut­hafar með meira en tvo þriðju alls hluta­fjár, en danska félagið William Demt­ants (Ot­icon Founda­tion) er stærsti hlut­haf­inn, með tæp­lega 50 pró­sent hlut. 

Á und­an­förnum tólf mán­uðum hefur gengi bréfa í Össur hækkað um 9,83 pró­sent, en innan þessa árs hefur mark­aðsvirðið hækkað um 21 pró­sent. 

Sterkur efna­hagur

Rekstur félags­ins hefur verið traustur og efna­hag­ur­inn sömu­leið­is. Eigið fé félags­ins nam 467,8 millj­ónum Banda­ríkja­dala í lok ann­ars árs­fjórð­ungs, eða sem nemur rúm­lega 50 millj­örðum króna. Mark­aðsvirði félags­ins nam 205 millj­örðum króna, við lokun mark­aða í dag. Það er um 20 pró­sent af heild­ar­virði íslenska hluta­bréfa­mark­að­ar­ins.

Upp­gjör félags­ins eftir annan árs­fjórð­ung þessa árs var í takt við áætl­anir félags­ins, sam­kvæmt til­kynn­ingu til kaup­hall­ar. Sala nam 145 millj­ónum Banda­ríkja­dala (15,2 millj­örðum íslenskra króna) sam­an­borið við 139 millj­ónir Banda­ríkja­dala á öðrum árs­fjórð­ungi 2016 og nam sölu­vöxtur frá fyrra ári 6%, þar af 3% innri vöxt­ur, hvort tveggja mælt í stað­bund­inni mynt, sam­kvæmt til­kynn­ing­unni. Hagn­aður nam 13 millj­ónum Banda­ríkja­dala, 1,4 millj­örðum íslenskra króna.

Sam­tals starfa 2.800 manns hjá Öss­uri í 20 lönd­um, en höf­uð­stöðvar fyr­ir­tæk­is­ins eru á Íslandi og hafa alltaf verið frá stofn­un, árið 1971.