David Camer­on, fyrr­ver­andi for­sæt­is­ráð­herra Bret­lands, er sagður hafa reynt að fá þing­menn íhalds­afla á breska þing­inu til að skrifa undir siða­reglur til að vernda starfs­fólk þings­ins fyrir kyn­ferð­is­legu áreiti árið 2014. Þetta kemur fram í frétt The Indepentent. 

Fyrrum for­sæt­is­ráð­herr­ann hafði reynt að fá alla flokka og tals­mann þings­ins, John Bercow, til að styðja til­lögu sína þess efnis að rann­sak­endur og starfs­fólk öðlist rétt til þess að sækj­ast eftir gerð­ar­dóms­úr­skurð­i. Til­raun þessi gekk ekki upp vegna and­stöðu frá eldri þing­mönn­un­um.

Gra­ham Brady, þing­maður Íhalds­flokks­ins, við­ur­kennir í við­tali við blaðið að íhaldsami armur þings­ins hafi verið á móti því að skrifa upp á siða­regl­ur. Að hans mati varð­aði þetta alla flokka en ekki ein­ungis þann íhaldsama. 

Ástæða þess að þetta kemur upp á yfir­borðið núna er að núver­andi for­sæt­is­ráð­herrann, Ther­esa May, er að reyna að koma á svip­uðum reglum. Um allan heim hafa konur risið upp og sagt frá reynslu sinni af kyn­ferð­is­legri áreitni. Frá slíkum málum hefur jafn­vel verið greint á þingum víðs­vegar um heim, þar á meðal í Bret­land­i. 

Hún telur að verk­lagið á þing­ingu varð­andi ásak­anir um kyn­ferð­is­lega áreitni sé óvið­un­andi og bit­laust. Hún seg­ist ekki trúa því að þetta ástand geti verið umborið leng­ur. Það væri ein­fald­lega ósann­gjart gagn­vart starfs­fólki þings­ins, sér­stak­lega þar sem margir þar eru ungir að árum og í fyrsta starfi sínu eftir nám.