Birt­ing Morg­un­blaðs­ins á afriti af sím­tali milli Dav­íðs Odds­son­ar, fyrr­ver­andi seðla­banka­stjóra, og Geirs H. Haarde, fyrr­ver­andi for­sæt­is­ráð­herra, þar sem þeir ræða um neyð­ar­lánsveit­ingu til Kaup­þings þann 6. októ­ber 2008, hefur ekki verið kærð til hér­aðs­sak­sókn­ara eða Fjár­mála­eft­ir­lits­ins af Seðla­banka Íslands. Engin rann­sókn hefur farið fram á því hvort að Davíð Odds­son, sem nú er rit­stjóri Morg­un­blaðs­ins, hafi tekið mér sér trún­að­ar­gögn úr Seðla­bank­anum þegar hann lét af störfum þar, en bank­inn hefur árum saman neitað að afhenda fjöl­miðlum afrit af umræddu sím­tali á grund­velli þagn­ar­skyldu­á­kvæðis laga um starf­semi hans.

Í svari Seðla­banka Íslands við fyr­ir­spurn Kjarn­ans um málið segir að birt­ing afrits­ins af sím­tal­inu verði tekin til skoð­unar eftir helgi og að ekki yrði hægt að svara því til hvaða aðgerða bank­inn ætlar að grípa vegna hennar fyrr en nið­ur­staða þeirrar skoð­unar liggi fyr­ir.

Morg­un­­blaðið birti á laug­ar­dag afrit af umræddu sím­tali. Í sím­tal­inu ræða þeir neyð­­ar­lána­lán­veit­ingu til Kaup­­þings upp á 500 millj­­ónir evra, sem kost­aði íslenska skatt­greið­endur á end­­anum 35 millj­­arða króna í tap.

Að­ilar máls hafa hingað til ekki viljað birta sím­tal­ið, sem fór fram fyrir rúmum níu árum síðan og er um einn þýð­ing­­­ar­­­mesta atburð í nútíma hag­­­sögu sem hefði haft í för með sér afdrifa­­­ríkar afleið­ingar fyrir íslenskan almenn­ing.

Kjarn­inn mið­l­­­ar, móð­­­ur­­­fé­lag Kjarn­ans, stefndi í síð­­asta mán­uði Seðla­­­banka Íslands og fór fram á að ógilt yrði með dómi sú ákvörðun bank­ans að hafna kröfu Kjarn­ans um aðgang að hljóð­­­ritun og afritum af sím­tal­inu. Í ljósi þess að Morg­un­blaðið hefur birt afrit af sím­tal­inu var krafa um að fá upp­töku af sím­tal­inu og afrit af því afhent end­ur­tek­in. Ekki hefur borist efn­is­legt svar við þeirri kröfu.